സൗദിയില് ഈ ജോലികള്ക്ക് പ്രവാസികളെ ഇനി വേണ്ട ..സൗദി പിടിമുറുക്കുമ്പോള് .തൊഴില് നഷ്ടമാകാതിരിക്കാന് പ്രവാസികള് ചെയ്യേണ്ടത് ...
സൗദി അറേബ്യയില് കൂടുതല് മേഖലകളില്ക്കൂടി പ്രവാസികള്ക്ക് തൊഴില് നഷ്ടപ്പെടുമെന്ന് സൂചന...... രാജ്യത്തെ ഭക്ഷ്യമേഖല സ്വദേശിവത്കരിക്കാന് ലക്ഷ്യമിടുന്നതായി സൗദി പരിസ്ഥിതി, ജല, കൃഷി മന്ത്രാലയം വെളിപ്പെടുത്തി. 2030 ഓടെ ഭക്ഷ്യമേഖലയുടെ 85 ശതമാനവും സ്വദേശിവത്കരിക്കും.
എന്ജിനീയര്, സാങ്കേതിക വിദഗ്ദ്ധന്, ഡോക്ടര്, സ്പെഷ്യലിസ്റ്റ്, കണ്ട്രോള് ടെക്നീഷ്യന്, തൊഴിലാളികള്, എന്നിവര്ക്ക് ആണ് നിയന്ത്രണങ്ങള് ഏര്പ്പെടുത്തിയിരിക്കുന്നത്. ഈ തസ്തികകളില് നിലവിലുള്ളവര് മറ്റൊരു തസ്തികയിലേക്ക് മാറണം എങ്കില് ഇനി തൊഴിലാളിയുടെ അനുമതി കൂടാതെ തന്നെ ഇനി തൊഴിലുടമക്ക് കഴിയും.
തൊഴില് മന്ത്രാലയത്തിന്റെ 'ക്വിവ' പ്ലാറ്റ്ഫോമില് ഫീസ് നല്കാതെ തന്നെ ഇത്തരം പ്രവര്ത്തനങ്ങള് ചെയ്യാന് സാധിക്കും. ഈ എട്ട് തൊഴിലുകളില് വിദേശ തൊഴിലാളികളെ റിക്രൂട്ട് ചെയ്യില്ലെന്ന് സൗദി പ്രഖ്യാപിച്ചു കഴിഞ്ഞു..
വ്യവസായ സംരംഭകര്, നിക്ഷേപകര്, ചെറുകിട- ഇടത്തരം സംരംഭങ്ങളുടെ ഉടമകള് എന്നിവര്ക്ക് മികച്ച പിന്തുണ നല്കാനാണ് തീരുമാനമെന്നും മന്ത്രാലയം സൂപ്പര്വൈസര് ജനറല് ഡോ. അലി അല്-സബാന് പറഞ്ഞു. സൗദിയിലെ പരിസ്ഥിതി, ജല, കാര്ഷിക മേഖലകളുടെ മത്സരക്ഷമതയും സുസ്ഥിരതയും വര്ധിപ്പിക്കാന് സഹായകരമായ നവീകരണം വികസിപ്പിക്കും. 2025 ഓടെ ഈന്തപ്പഴ കയറ്റുമതിയുടെ അളവ് 2.5 ബില്യണ് റിയാലായി ഉയര്ത്തുന്നതിനൊപ്പം മത്സ്യ ഉത്പ്പാദനം 500 ശതമാനം ഉയര്ത്താനും കയറ്റുമതി മൂന്ന് ബില്യണ് റിയാലായി ഉയര്ത്താനുമാണ് സൗദി ലക്ഷ്യമിടുന്നതെന്നും അദ്ദേഹം വ്യക്തമാക്കി
ഒക്ടോബര് ആദ്യവാരം കണ്സള്ട്ടിങ് മേഖലയിലെ തൊഴിലുകളും സ്വദേശിവത്കരിക്കുന്നതായി സൗദി പ്രഖ്യാപിച്ചിരുന്നു. രാജ്യത്തെ മാനവ വിഭവശേഷി - സാമൂഹിക വികസന മന്ത്രി അഹ്മദ് അല്റാജിഹിയാണ് ഇത് സംബന്ധിച്ച പ്രഖ്യാപനം നടത്തിയത്. സൗദി ധനമന്ത്രാലയം, ലോക്കല് കണ്ടന്റ് അതോറിറ്റി, സ്പെന്ഡിങ് എഫിഷ്യന്സി അതോറിറ്റി, ഹദഫ് ഫണ്ട് എന്നിവയുമായി സഹകരിച്ചാണ് കണ്സള്ട്ടിങ് രംഗവും ആ മേഖലയിലെ തൊഴിലുകളും സ്വദേശിവത്കരിക്കാന് തീരുമാനിച്ചത്.
സ്വദേശിവത്കരണപ്പട്ടികയില് ഉപഭോക്തൃസേവനങ്ങള്, പാര്സല്, ഗതാഗതസേവനങ്ങള് എന്നിവയും ഉള്പ്പെടുത്തിയിട്ടുണ്ട്. നേത്രരോഗവുമായി ബന്ധപ്പെട്ട മേഖലകളിലും സ്വദേശിവല്ക്കരണം ഉണ്ടാകും
സ്വദേശികളായ സ്ത്രീ - പുരുഷന്മാര്ക്ക് തൊഴിലവസരങ്ങള് ഒരുക്കുക, തൊഴില് വിപണിയില് അവരുടെ പങ്കാളിത്തവും നിലവാരവും ഉയര്ത്തുക, സാമ്പത്തിക വ്യവസ്ഥിതിയില് അവരുടെ സംഭാവന വര്ധിപ്പിക്കുക എന്നിവ ലക്ഷ്യമിട്ടാണിത്. വിനോദ കേന്ദ്രങ്ങളില് സ്വദേശിവത്കരണം നടപ്പാക്കിത്തുടങ്ങിയിട്ടുണ്ട്.
സൗദി പൗരന്മാര്ക്ക് മാത്രമായി പരിമിതപ്പെടുത്തിയ തൊഴിലുകളില് മറ്റ് രാജ്യക്കാരെ നിയമിക്കുന്നതിനെതിരെ മാനവ വിഭവശേഷി സാമൂഹിക വികസന മന്ത്രാലയം മുന്നറിയിപ്പ് നല്കിയിട്ടുണ്ട്. വിനോദ കേന്ദ്രങ്ങളിലെ 70 ശതമാനം ജോലികളാണ് സ്വദേശികള്ക്കായി പരിമിതപ്പെടുത്തിയിരിക്കുന്നത്. മാളുകള്ക്കുള്ളിലെ വിനോദ കേന്ദ്രങ്ങളിലെ 100 ശതമാനം ജോലികളും സ്വദേശികള്ക്കായി മാറ്റിവച്ചിരിക്കുകയാണ്.
തൊഴില് നിയമങ്ങള് ലംഘിച്ചതിന് 2788 പേരെ അറസ്റ്റ് ചെയ്തിട്ടുണ്ട്. അതിര്ത്തി സുരക്ഷ സംബന്ധമായ ലംഘനങ്ങള്ക്ക് 4980 പേരെയാണ് അറസ്റ്റ് ചെയ്തത്.
https://www.facebook.com/Malayalivartha
