ദീപാവലി അടുത്തതോടെ ഇന്ത്യയില്‍ മാത്രമല്ല യുഎഇയിലും ദീപാവലി ആഘോഷങ്ങളുമായി ബന്ധപ്പെട്ട് സ്വര്‍ണാഭരണങ്ങള്‍ വാങ്ങാനെത്തുന്നവരുടെ എണ്ണം വര്‍ധിച്ച് വരികയാണ്. ഇന്ത്യക്കാര്‍ക്ക് പൊതുവെ സ്വര്‍ണാഭരണങ്ങളോട് താല്‍പര്യമുള്ളവരാണ് എന്നതിനാല്‍ അവധിക്ക് നാട്ടിലെത്തുന്നവര്‍ വീട്ടുകാര്‍ക്ക് സ്വര്‍ണം സമ്മാനമായി കൊണ്ടുവരാറുണ്ട് . . കൂടാതെ ഇപ്പോള്‍ ഖത്തര്‍ ലോക കപ്പിന് പോകുന്നവരും വരുന്ന വഴി ദുബായില്‍ നിന്ന് സ്വര്‍ണം വാങ്ങാമെന്നു പ്ലാന്‍ ചെയ്യുന്നുണ്ട് .


ദുബായില്‍ വില്‍ക്കുന്ന സ്വര്‍ണ്ണത്തിന്റെ പരിശുദ്ധി കൂടുതലാണ് എന്നതിനാലും ഇവിടുന്ന് സ്വര്‍ണം വാങ്ങാന്‍ ഇന്ത്യക്കാര്‍ ഇഷ്ടപ്പെടുന്നു. ഗോള്‍ഡ് സിറ്റി എന്നാണ് ദുബായ് അറിയപ്പെടുന്നത് തന്നെ . ദുബായിലെ വ്യാപാരത്തിന്റെ 35 ശതമാനവും ഇത്തരത്തില്‍ സ്വര്‍ണത്തിന്റെയും ആഭരണങ്ങളുടെയും വില്‍പ്പനയാണെന്നാണ് പറയപ്പെടുന്നത്. വൈവിധ്യാമാര്‍ന്ന കളക്ഷനുകളാണ് അവിടുത്തെ പ്രധാന ആകര്‍ഷണം.

എന്നാല്‍ യുഎഇയില്‍ നിന്നും ഇന്ത്യയിലേക്ക് സ്വര്‍ണം കൊണ്ടുവരുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്.
ദുബായിയില്‍ സുഹൃത്തുക്കളോ, ബന്ധുക്കളോ ഉള്ളവര്‍ അവരോട് സ്വര്‍ണം വാങ്ങി വരാന്‍ അഭ്യര്‍ത്ഥിച്ചേക്കാം. എന്നാല്‍ ഈ അറിയാതെ സ്വര്‍ണം വാങ്ങിക്കൂട്ടിയാല്‍ അവസാനം സ്വര്‍ണത്തേക്കാള്‍ കൂടുതല്‍ പിഴ അടയ്ക്കേണ്ടിവരാം

ഒരു വര്‍ഷത്തില്‍ അധികം ദുബായില്‍ താമസിച്ചതിന് ശേഷം ഇന്ത്യയിലേക്ക് മടങ്ങുന്നവര്‍ക്ക് ആണ് സ്വര്‍ണ്ണാഭരണങ്ങള്‍ കൊണ്ടുവരാന്‍ സാധിക്കുകയുള്ളു . സെന്‍ട്രല്‍ ബോര്‍ഡ് ഓഫ് കിറശൃലര േമേഃല െ & കസ്റ്റംസ് (ഇആകഇ) ആണ് ഈ പരിധികള്‍ നിശ്ചയിച്ചിരിക്കുന്നത്. പുരുഷന്‍മാര്‍ക്ക് പരമാവധി 20 ഗ്രാം സ്വര്‍ണാഭരണങ്ങള്‍ നികുതി ഇല്ലാതെ കൊണ്ടു വരാന്‍ സാധിക്കും. പക്ഷെ കൊണ്ടുവരുന്ന സ്വര്‍ണത്തിന്റെ വില 2500 ദിര്‍ഹം മാത്രമേ ആകാവൂ


അതായത് ഇന്ത്യയില്‍ 50,000 രൂപ വിലവരുന്ന സ്വര്‍ണാഭരണങ്ങള്‍ മാത്രമാണ് കൊണ്ടുവരാന്‍ കഴിയുക. അതേസമയം സ്ത്രീകള്‍ക്ക് 5,000 ദിര്‍ഹം അതായത് 100,000 രൂപ മൂല്യമുള്ളതോ അല്ലെങ്കില്‍ 40 ഗ്രാമോ അളവില്‍ സ്വര്‍ണം ഇന്ത്യയിലേക്ക് കൊണ്ടുവരാം. സ്വര്‍ണം, വെള്ളി എന്നിവ ആഭരണമായി മാത്രമേ വ്യക്തികള്‍ക്ക് മറ്റ് രാജ്യങ്ങളില്‍ നിന്ന് ഡ്യൂട്ടി ഇല്ലാതെ കൊണ്ടുവരാന്‍ നിയമം അനുവദിക്കുന്നുള്ളു.

ഇനി ഒരു ഇന്ത്യന്‍ പൗരന് ആഭരണങ്ങള്‍ അല്ലാതെ സ്വര്‍ണ നാണയമോ, സ്വര്‍ണ കട്ടികളോ ആയി ഒരു കിലോ ഗ്രാം വരെ ദുബായിലോ മറ്റ് വിദേശ രാജ്യങ്ങളിലോ 6 മാസത്തില്‍ അധികം താമസിച്ച ശേഷം മടങ്ങുമ്പോള്‍ കൊണ്ടുവരാന്‍ സാധിക്കും

നികുതിയില്ലാതെ കൊണ്ടു വരാവുന്ന അളവില്‍ കൂടുതല്‍ ഉള്ള സ്വര്‍ണത്തിന് കസ്റ്റംസ് ഡ്യൂട്ടി അടക്കണം. സ്വര്‍ണ കട്ടിക്ക് കസ്റ്റംസ് ഡ്യൂട്ടി 10 ഗ്രാമിന് 300 രൂപയും 3 % വിദ്യാഭാസ സെസും . സ്വര്‍ണ നാണയം, ആഭരണങ്ങള്‍ എന്നിവക്ക് 10 ഗ്രാമിന് 750 രൂപ കൂടാതെ 3 % വിദ്യാഭാസ സെസും. ഒരു കിലോഗ്രാമില്‍ അധികം സ്വര്‍ണ കട്ടിയോ, നാണയങ്ങളോ കൊണ്ടുവരുന്നവര്‍ 36.05 % കസ്റ്റംസ് ഡ്യൂട്ടി നല്‍കണം.


6 മാസം ദുബായില്‍ കഴിയുന്നതിന് മുന്‍പ് തിരിച്ചു വരുന്നവര്‍ സ്വര്‍ണത്തിന് 36.05 % അധിക കസ്റ്റംസ് ഡ്യൂട്ടി നല്‍കണം.അനുവദനീയമായ സ്വര്‍ണത്തില്‍ കൂടുതല്‍ കൊണ്ടു വരുന്നവര്‍ കസ്റ്റംസ് തീരുവ വിദേശ കറന്‍സിയില്‍ അടക്കണം. കൂടാതെ വാങ്ങിയ സ്വര്‍ണത്തിന്റെ ബില്ലും മറ്റു രേഖകളും കസ്റ്റംസ് ഉദ്യോഗസ്ഥരെ കാണിക്കണം. സ്വര്‍ണ കട്ടികളില്‍ ഉല്‍പ്പാദകരുടെ പേര്, തൂക്കം എന്നിവ രേഖപ്പെടുത്തിയിരിക്കണം.


ദുബായില്‍ സ്വര്‍ണ വില ഇന്ത്യയിലെ വിലയെക്കാള്‍ കുറവായതുകൊണ്ടാണ് സ്വര്‍ണം അവിടെ നിന്ന് വാങ്ങുന്നത് ആകര്ഷകമാകുന്നത്. എന്നാല്‍ അനുവദനീയമായ അളവില്‍ കൂടുതല്‍ കൊണ്ടു വരുന്നത് കൊണ്ട് ഇറക്കുമതി തീരുവയും , ജി എസ് ടി യും മറ്റും അടക്കേണ്ടി വരുന്നതിനാല്‍ ലാഭം ഇല്ലാതെ വരും. നിലവില്‍ ഇറക്കുമതി തീരുവ 12.5 ശതമാനമാണ്.

ദുബായില്‍ സ്വര്‍ണത്തിന് നികുതി ഇല്ല, ആഭരണങ്ങള്‍ക്ക് പണിക്കൂലിയും കുറവാണ്- ഇത് കൊണ്ടാണ് ദുബായില്‍ നിന്ന് സ്വര്‍ണം വാങ്ങുന്നത് ആദായകരമാകുന്നത്.എന്‍ ആര്‍ ഐ പദവി ലഭിച്ച വ്യക്തിക്ക് പരമാവധി ഡ്യൂട്ടി അടച്ച് കൊണ്ടുവരാന്‍ സാധിക്കുന്നത് ഒരു കിലോ സ്വര്‍ണമാണ്. ഇതില്‍ അധികം സ്വര്‍ണം കൊണ്ടുവരാന്‍ ഉദ്ദേശിക്കുന്നെങ്കില്‍ 6 മാസം മുന്‍പ് വരെ അനുവദനീയമായ അളവില്‍ കൂടുതല്‍ സ്വര്‍ണം കൊണ്ടുവരാത്ത യാത്രക്കാര്‍ക്ക് മാത്രമേ സാധിക്കുകയുള്ളു


പരിമിതമായ സാഹചര്യങ്ങളില്‍ മാത്രമേ സ്വര്‍ണ്ണം ഇറക്കുമതി ചെയ്യാന്‍ അനുവാദമുള്ളൂ. കുറഞ്ഞത് ആറ് മാസമെങ്കിലും വിദേശത്ത് താമസിച്ച് ഇന്ത്യയിലേക്ക് മടങ്ങുന്ന വ്യക്തിക്ക് പരമാവധി ഒരു കിലോഗ്രാം സ്വര്‍ണം ഇറക്കുമതി ചെയ്യാന്‍ കഴിയും. സ്വര്‍ണ്ണ ബാറുകളുടെ കസ്റ്റം തീരുവ അടുത്തിടെ 7.5 ശതമാനത്തില്‍ നിന്ന് 12.5 ശതമാനമായി വര്‍ധിപ്പിച്ചിട്ടുണ്ട് മറക്കേണ്ട . .