ദുബായില് ബൈക്കിടിച്ച് പരിക്കേറ്റ് ചികിത്സയിലിരുന്ന പ്രവാസി യുവാവ് മരിച്ചു
ദുബായില് ബൈക്കിടിച്ച് പരിക്കേറ്റ് ചികിത്സയിലിരുന്ന പ്രവാസി യുവാവ് മരിച്ചു. കാസര്കോട് നീലേശ്വരം കണിച്ചിറ സ്വദേശി നാലുപുരപാട്ടില് ഷെഫീഖ് (38) ആണ് മരിച്ചത്. റോഡിലൂടെ നടന്നുപോകുകയായിരുന്ന ഷെഫീഖിനെ ബൈക്കിടിക്കുകയായിരുന്നു. ദുബായിലെ ദേരയില് നാലുദിവസം മുന്പാണ് അപകടമുണ്ടായത്. ഗുരുതരമായി പരിക്കേറ്റ് ആശുപത്രിയില് ചികിത്സയിലായിരുന്നു ഷെഫീഖ് ഇന്നലെയാണ് മരിച്ചത്. പത്തുവര്ഷമായി ദുബായില് കാര് വാഷിംഗ് ചെയ്യുകയായിരുന്നു. ഭാര്യ സീനത്ത്.
മകന് മുഹമ്മദ് ഷഹാന്. ഓട്ടോഡ്രൈവറും മുന്പ്രവാസിയുമായ റസാഖിന്റെയും താഹിറയുടെയും മകനാണ്. കബറടക്കം ദുബായില് നടക്കും. അതേസമയം പ്രവാസി മലയാളിയെ ഒമാനില് മരിച്ച നിലയില് കണ്ടെത്തിയിരുന്നു. തൃശൂര് മാപ്രാണം സ്വദേശിയായ സജീഷിനെ (39 )യാണ് മേയ് 26ന് ജര്ദ്ധയില് മരിച്ച നിലയില് കണ്ടെത്തുന്നത്. മൃതദേഹം മസ്കത്തിലെ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
ഒറിജിനല് പാസ്പോര്ട്ടില്ലാതിരുന്നതിനാല് നടപടിക്രമങ്ങള് പൂര്ത്തീകരിക്കാന് കാലതാമസമുണ്ടായി. നടപടി ക്രമങ്ങള് പൂര്ത്തീകരിച്ചു വരും ദിവസങ്ങളില് മൃതദേഹം നാട്ടിലേക്ക് അയക്കാന് കഴിയുമെന്ന് പ്രതീക്ഷിക്കുന്നതെന്ന് സൂര് മേഖലയിലെ കൈരളി പ്രവര്ത്തകരായ പ്രകാശ് തടത്തില്, താജുദ്ദീന്, ജിജോ പികെ, സുരേഷ് എന്നിവര് അറിയിച്ചു.
https://www.facebook.com/Malayalivartha
