റിയാദില് വാഹാനാപകടത്തില്പെട്ട് ചികിത്സയിലിരുന്ന മലയാളി യുവാവ് മരിച്ചു
റിയാദില് വാഹനം ഇടിച്ച് ഗുരുതര പരിക്കേറ്റ് ആശുപത്രിയില് ചികിത്സയിലിരുന്ന മലയാളി യുവാവ് മരിച്ചു. മലപ്പുറം 55-ാം മൈല് അരക്കുപറമ്പ് ചക്കാലകുന്നന് വീട്ടില് സൈനുല് ആബിദ് (34) ആണ് മരിച്ചത്. വാഹനാപകടമുണ്ടാവുന്നത് രണ്ടാഴ്ച മുമ്പാണ്.
റിയാദ് റിമാലില് ദമ്മാം ഹൈവേയുടെ ഓരത്ത് നില്ക്കുേമ്പാള് ഒരു ബംഗ്ലാദേശി പൗരനോടിച്ച വാഹനം നിയന്ത്രണം വിട്ട് വന്നിടിക്കുകയായിരുന്നു. ഗുരുതരപരിക്കേറ്റ് റിയാദ് എക്സിറ്റ് 14ലെ അല്മുവാസാത്ത് ആശുപത്രിയില് കഴിയുന്നതിനിടെ ഇന്നലെ (മാര്ച്ച് ഒന്ന്) ആണ് മരിച്ചത്.
തൊഴില് വിസയില് ഒരു മാസം മുമ്പാണ് സൈനുല് ആബിദ് സൗദിയിലെത്തിയത്. അബൂബക്കര്-ജമീല ദമ്പതികളുടെ മകനാണ്. ഭാര്യ: ഫാത്തിമത്ത് റിഷാദ. മൃതദേഹം നാട്ടിലേക്ക് കൊണ്ടുപോകുന്നതിന് റിയാദ് കെ.എം.സി.സി മലപ്പുറം ജില്ലാ വെല്ഫെയര് വിങ്ങിന്റെ നേതൃത്വത്തില് നടപടിക്രമങ്ങള് പൂര്ത്തീകരിച്ചുവരുന്നു.
"
https://www.facebook.com/Malayalivartha
