ബഹ്‌റൈനില്‍ പ്രവാസി മലയാളി നിര്യാതനായി...
ബഹ്‌റൈനില്‍ പ്രവാസി മലയാളി നിര്യാതനായി. കൊല്ലം മതിലില്‍ കടവൂര്‍ ജിജി ഭവനില്‍ ജിജി ജോസഫ് ആണ് മരിച്ചത്. 50 വയസ്സായിരുന്നു. സല്‍മാനിയ ആശുപത്രിയില്‍ ചികിത്സയില്‍ കഴിയവേയാണ് അന്ത്യം.
കൊല്ലം ഡിസിസി അംഗമാണ്. ബഹ്‌റൈനില്‍ ബിസിനസ് നടത്തിവരികയായിരുന്നു. പിതാവ്: ജോസഫ്. മാതാവ്: ഫിലോമിന ജോസഫ്. ജിജിക്ക് ഭാര്യയും രണ്ട് മക്കളുമുണ്ട്. മൃതദേഹം നാട്ടിലെത്തിക്കാനുള്ള നടപടികള്‍ നടന്നുവരുന്നു.
അതേസമയം സൗദി കിഴക്കന്‍ പ്രവിശ്യയില്‍ മൂന്ന് വാഹനങ്ങള്‍ കൂട്ടിയിടിച്ച് തമിഴ്നാട് സ്വദേശി മരിച്ചു. പുതുക്കോട്ടൈ മുത്തുപ്പട്ടണം സ്വദേശി ശാഹുല്‍ ഹമീദ് (40) ആണ് മരിച്ചത്. പ്രമുഖ കമ്പനിയില്‍ സെയില്‍സ്മാനായ ശാഹുല്‍ ഹമീദ്, ഹഫര്‍ അല്‍ ബാത്വിനില്‍ നിന്നും റഫയിലേക്ക് ദമ്മാം റോഡിലൂടെ ട്രക്കില്‍ ലോഡുമായി പോകുന്നതിനിടെയാണ് അപകടം സംഭവിച്ചത്.
എതിര്‍ ദിശയില്‍ നിന്ന് വന്ന ട്രക്ക് റോഡിലെ മഴനനവില്‍ തെന്നി മാറി ശാഹുല്‍ ഹമീദിന്റെ വാഹനത്തില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ശാഹുല്‍ ഹമീദിന്റെ വാഹനം നിയന്ത്രണം വിട്ട് അതിലൂടെ പോവുകയായിരുന്ന മറ്റൊരു വാഹനത്തില്‍ ചെന്നിടിച്ചു.
അപകടത്തില്‍ ഗുരുതരമായി പരിക്കേറ്റ ശാഹുല്‍ ഹമീദ് സംഭവസ്ഥലത്ത് വച്ച് തന്നെ മരിച്ചു. മറ്റ് രണ്ടു വാഹനങ്ങളില്‍ ഉണ്ടായിരുന്നവര്‍ക്ക് കാര്യമായ പരിക്കില്ല എന്നാണ് വിവരം. ഹഫര്‍ അല്‍ ബാത്വിനിലെ കിങ് ഖാലിദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം ഔദ്യോഗിക നടപടികള്‍ക്ക് ശേഷം സൗദിയില്‍ തന്നെ സംസ്‌കരിക്കുമെന്ന് ബന്ധപ്പെട്ടവര്‍ അറിയിച്ചു.
"
https://www.facebook.com/Malayalivartha
