സൗദി അറേബ്യയിലെ അല്‍ഖോബാറില്‍ പ്രവാസി മലയാളി മരിച്ച നിലയില്‍ . മൂവാറ്റുപുഴ, മുടവൂര്‍ സ്വദേശി കണ്ണന്‍വേലിക്കല്‍ ഹൗസ്, മുകേഷ് കുമാറിനെയാണ് തുഖ്ബയിലുള്ള താമസസ്ഥലത്ത് മരിച്ച നിലയില്‍ കണ്ടെത്തിയത്. 37 വയസ്സായിരുന്നു.

17 വര്‍ഷമായി വെതര്‍ഫോര്‍ഡ് കമ്പനിയില്‍ ടെക്‌നീഷ്യനായി ജോലി ചെയ്ത് വരികയായിരുന്നു. ഈ കമ്പനിയില്‍ തന്നെ ദുബൈ, ഇറാഖ്, അള്‍ജീരിയ എന്നീ രാജ്യങ്ങളില്‍ ജോലി ചെയ്തിട്ടുണ്ട്.

2020 മുതലാണ് സൗദിയിലെത്തിയത്. രമേശന്‍ നായര്‍ - ഉഷ ദേവി ദമ്പതികളുടെ മകനാണ്. ഭാര്യ സൂര്യ ലണ്ടനില്‍ ജോലി ചെയ്ത് വരുന്നു. ഒരു മകനുണ്ട്. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങള്‍ നടന്നു വരുന്നു.