മലയാളി വിദ്യാര്ഥി അബുദാബിയില് കെട്ടിടത്തില്നിന്ന് വീണു മരിച്ചു....
മലയാളി വിദ്യാര്ഥി അബുദാബിയില് കെട്ടിടത്തില്നിന്ന് വീണു മരിച്ചു. എണാകുളം ജില്ലയിലെ തോട്ടറ സ്വദേശി പാറയില് ബിനോയ് തോമസിന്റെയും (അഡ്നോക്) എല്സി ബിനോയുടെയും (നഴ്സ്, ഷെയ്ഖ് ഖലീഫ ഹോസ്പിറ്റല്) മകന് അലക്സ് ബിനോയ് (17) ആണ് മരിച്ചത്.
ടൂറിസ്റ്റ് ക്ലബ് ഏരിയയിലെ താമസ കെട്ടിടത്തിന്റെ മൂന്നാം നിലയില് നിന്ന് ഇന്നലെ വൈകിട്ട് മൂന്നരയോടെ അലക്സ് താഴെ വീണത്. വാച്ച്മാന് വിളിച്ച് പറയുമ്പോഴാണ് ബിനോയ് വിവരമറിയുന്നത്. ഗുരുതര പരുക്കേറ്റ അലക്സിനെ അബുദാബി ഷെയ്ഖ് ഖലീഫ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. അബുദാബി മുറൂറിലെ ഇന്ത്യന് സ്കൂളില് 12-ാം പരീക്ഷ കഴിഞ്ഞ് ഫലപ്രഖ്യാപനം കാത്തിരിക്കുകയായിരുന്നു.
ഫോട്ടോഗ്രഫിയില് ഉപരിപഠനത്തിനുള്ള തയാറെടുപ്പിനിടെയാണ് ദുരന്തം. സഹോദരങ്ങള്: ഡോ. രാഹുല് ബിനോയ് (ആലപ്പുഴ), രോഹിത് ബിനോയ് (പോളണ്ട്). സംസ്കാരം ഞായര് വൈകിട്ട് 3.30ന് തോട്ടറിയിലെ സെന്റ് മേരീസ് ക്നാനായ കത്തോലിക്ക ചര്ച്ചില് നടക്കും.
https://www.facebook.com/Malayalivartha
