സങ്കടക്കാഴ്ചയായി... സൗദിയിലുണ്ടായ വാഹനാപകടത്തില്‍ മലയാളി യുവതി മരിച്ചു. കിഴക്കന്‍ പ്രവിശ്യയിലെ അല്‍ഹസയ്ക്ക് സമീപം മലയാളി കുടുംബം സഞ്ചരിച്ച വാഹനമാണ് അപകടത്തില്‍പ്പെട്ടുപോയത്. ഇന്നലെ പുലര്‍ച്ചയോടെ ദമാം - റിയാദ് ഹൈവേയില്‍ ഖുറൈസിനു സമീപം ഹുറൈറയിലാണ് അപകടമുണ്ടായത്. തൃശൂര്‍ തളിക്കുളം സ്വദേശി കല്ലിപറമ്പില്‍ ഫര്‍ഹാന ഷെറിന്‍ (18) ആണ് മരിച്ചത്. സിദ്ദീഖ് ഹസൈനാറുടെ മകളാണ്.


സിദ്ദീഖും ഭാര്യയും ഒപ്പമുണ്ടായിരുന്ന മറ്റ് രണ്ടു കുട്ടികളും ഗുരുതര പരുക്കുകളോടെ ആശുപത്രിയില്‍ ചികിത്സയില്‍ കഴിയുകയാണ്. കുടുംബത്തിന്റെ സന്ദര്‍ശക വീസ പുതുക്കുന്നതിനായി ബഹ്‌റൈനില്‍ പോയി തിരികെ റിയാദിലേക്ക് മടങ്ങുന്നതിനിടെയാണ് അപകടം സംഭവിച്ചത്.