അങ്ങനെ നീണ്ട ദിവസങ്ങൾക്കൊടുവിൽ ദുബായിലെ സ്വർണവില കുത്തനെ കുറഞ്ഞിരിക്കുകയാണ്. ഇന്ന് 22 കാരറ്റ് ഒരു ഗ്രാം സ്വർണത്തിന് വില 365.5 ദിർഹമാണ്. 24 കാരറ്റ് സ്വർണത്തിന് 394.5 ദിർഹവും. വില കുറഞ്ഞതോടെ വേനലവധിക്ക് നാട്ടിലേക്ക് വരുന്ന പ്രവാസികൾ പലരും സ്വർണം വാങ്ങാനുള്ള പ്ലാനിലായിരിക്കും. എന്തായാലും വാങ്ങാൻ പ്ലാൻ ഉണ്ടെങ്കിൽ വില കുറഞ്ഞിരിക്കുമ്പോൾ വാങ്ങുന്നത് തന്നെയാണ് നല്ലത്. എന്നാൽ വാങ്ങും മുൻപ് ഇക്കാര്യങ്ങൾ ഉറപ്പ് വരുത്തുന്നത് ഉചിതമായിരിക്കും

അത്യാവശ്യക്കാരാണെങ്കിൽ ഗ്രാം വില എത്രയെന്ന് വിശദമായി പരിശോധിക്കാതെയായിരിക്കും പലരും ജ്വല്ലറികളിലേക്ക് പോകുക.
രാവിലെ ഗ്രാമിന് രേഖപ്പെടുത്തിയ വില ആയിരിക്കണമെന്നില്ല ഉച്ചയ്ക്ക്. ഒരുപക്ഷെ വൈകുന്നേരവും വിലയിൽ മാറ്റം സംഭവിച്ചേക്കാം. അതുകൊണ്ട് തന്നെ അതത് ദിവസത്തെ ഗ്രാം കൃത്യമായി ഉറപ്പിച്ചതിന് ശേഷം സ്വർണം വാങ്ങാം