ഹൃദയാഘാതം മൂലം മലയാളി റിയാദില് നിര്യാതനായി....
30 JUNE 2025 08:02 AM IST
മലയാളി വാര്ത്ത
മലയാളി ഹൃദയാഘാതം മൂലം റിയാദില് നിര്യാതനായി. കൊല്ലം ക്ലാപ്പന പുതുത്തെരുവ് കാവുംതറയില് പരേതനായ അബ്ദുല് സലാമിന്റെ മകന് ഷമീര് (38) ആണ് മരിച്ചത്.
ബത്ഹ ഗുറാബിയിലെ താമസസ്ഥലത്ത് വെച്ച് ശാരീരിക അസ്വസ്ഥതകളുണ്ടായതിനെ തുടര്ന്ന് ഉടന് റെഡ് ക്രസന്റ് ആംബുലന്സില് ദാറുല് ശിഫ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഇതേ ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം റിയാദില് ഖബറടക്കും. 18 വര്ഷത്തിലേറെയായി റിയാദിലുള്ള ഷമീര് ബത്ഹയിലെ ഗുറാബി സ്ട്രീറ്റില് ഇലക്ട്രിക് ഷോപ്പില് ജീവനക്കാരനായിരുന്നു. കുടുംബം വര്ഷങ്ങളായി റിയാദില് കൂടെയുണ്ട്.
ഭാര്യ: അന്സില, മക്കള്: മുഹമ്മദ് ഫര്ഹാന്, ഫൈഹ, മുഹമ്മദ് ഫൗസാന്. മാതാവ്: റംല. സഹോദരങ്ങള്: ഷാനവാസ്, ഷംല.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
