സങ്കടമടക്കാനാവാതെ.... ഷീറ്റ് നെഞ്ചില്‍ തറച്ച് ഇന്‍ഡസ്ട്രിയല്‍ ജീവനക്കാരന് ദാരുണാന്ത്യം. കുളത്തൂര്‍ ഓണപ്പുടയിലെ പൂശാലിക്കുളമ്പില്‍ പുതുവാക്കുത്ത് സുരേഷിന്റെ മകന്‍ ജിഷ്ണുവാണ് (30) മരണമടഞ്ഞത്. ചൊവ്വാഴ്ച പകല്‍ 11.30നായിരുന്നു സംഭവം നടന്നത്. പുഴക്കാട്ടിരി പാതിരമണ്ണ സ്‌കൂളിനടുത്തുള്ള വീട്ടിലെ റാക്കിന്റെ ജോലിക്കിടെ വലിയ ഷീറ്റ് കൈയില്‍ നിന്നും താഴേക്ക് വീഴുന്നത് പിടിക്കാനുള്ള ശ്രമത്തില്‍ ഇടത്തെ നെഞ്ചില്‍ തുളച്ച് കയറുകയായിരുന്നു.


ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. പെരിന്തല്‍മണ്ണ ജില്ല ആശുപത്രിയിലെ പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. പ്രവാസിയായ ജിഷ്ണു അഞ്ച് മാസം മുന്‍പാണ് നാട്ടിലെത്തിയത്. സംസ്‌കാരം ഇന്നലെ രാവിലെ എട്ടിന് ഷൊര്‍ണൂര്‍ ശാന്തിതീരത്ത് നടക്കുകയും ചെയ്തു. മാതാവ്: പങ്കജം. രണ്ടു സഹോദരങ്ങളുണ്ട്.