റിയാദ് എയര്പോര്ട്ടില് വിമാനമിറങ്ങി ഏതാനും മണിക്കൂറുകള്ക്കുള്ളില് കുഴഞ്ഞുവീണ് മരിച്ച തൃശൂര് സ്വദേശിയുടെ മൃതദേഹം നാട്ടിലേക്ക് അയച്ചു
അവധി കഴിഞ്ഞ് നാട്ടില് നിന്ന് റിയാദ് എയര്പോര്ട്ടില് വിമാനമിറങ്ങി ഏതാനും മണിക്കൂറുകള്ക്കുള്ളില് കുഴഞ്ഞുവീണ് മരിച്ചു.തൃശൂര് മണ്ണംപേട്ട സ്വദേശി രാജു ഇടശ്ശേരി പാപ്പുകുട്ടി (59)യുടെ മൃതദേഹമാണ് നാട്ടിലേക്കയച്ചത്. അവധി കഴിഞ്ഞ് നാട്ടില് നിന്ന് മടങ്ങിയെത്തിയ ഇദ്ദേഹം വിമാനത്താവളത്തില് ഇറങ്ങിയതിന് പിന്നാലെയാണ് കുഴഞ്ഞുവീണ് മരിച്ചത്.
മൃതദേഹം നാട്ടിലേക്ക് അയക്കുന്നതിനുള്ള നടപടിക്രമങ്ങള് പൂര്ത്തിയാക്കാനായി സിദ്ദിഖ് തുവ്വൂരും രാജു ഇടശ്ശേരി പാപ്പുകുട്ടിയുടെ സുഹൃത്തുക്കളായ അനൂപ്, സുമേഷ് എന്നിവരും സഹായത്തിനുണ്ടായിരുന്നു. റിയാദില് നിന്നും 1100 കിലോമീറ്റര് അകലെ അല് ജൗഫ് മൈഖോവയില് 30 വര്ഷത്തിലധികമായി മെക്കാനിക്കായി ജോലി ചെയ്തുവരികയായിരുന്നു.
തിങ്കളാഴ്ച രാത്രി കൊച്ചിയില് നിന്ന് പുറപ്പെട്ട സൗദി എയര്ലൈന്സില് എത്തിയ ഇദ്ദേഹം രാവിലെ റിയാദില് വിമാനമിറങ്ങിയതായിരുന്നു. കണക്ഷന് വിമാനത്തില് അല് ജൗഫിലേക്ക് പോകേണ്ടതായിരുന്നു. റിയാദില് നിന്നും അല് ജൗഫിലേക്കുള്ള ഡൊമസ്ടിക് വിമാനം നഷ്ടമായതിനെ തുടര്ന്ന് ബസില് പുറപ്പെടാനിരിക്കെയാണ് കുഴഞ്ഞുവീണത്.
റിയാദ് എയര്പോര്ട്ടില് നിന്ന് ഉടന് തന്നെ എയര്പോര്ട്ട് ആശുപത്രിയില് പ്രവേശിപ്പിച്ചു. മരണം സ്ഥിരീകരിച്ച ശേഷം പിന്നീട് മൃതദേഹം റിയാദ് ശുമൈസി ഹോസ്പിറ്റലിലേക്ക് മാറ്റുകയും ചെയ്തു. ഭാര്യയും രണ്ടു പെണ്മക്കളുമടങ്ങുന്ന കുടുംബമാണ്.
"
https://www.facebook.com/Malayalivartha
