സങ്കടക്കാഴ്ചയായി.. സൗദി കിഴക്കന്‍ പ്രവിശ്യയിലെ ജുബൈലില്‍ ഡ്രൈവറായി ജോലി ചെയ്തിരുന്ന കോഴിക്കോട് കൊടുവള്ളി കരുവമ്പൊയില്‍ സ്വദേശി അബ്ദുറഊഫ് ചീരുന്‍കണ്ടിയില്‍ (48) ഹൃദയാഘാതം മൂലം മരിച്ചു. 25 വര്‍ഷത്തിലേറെയായി ജുബൈലില്‍ ജോലി ചെയ്യുന്ന ഇദ്ദേഹം സജീവ കെ.എം.സി.സി പ്രവര്‍ത്തകനായിരുന്നു.


കോഴിക്കോട് കിനാലൂര്‍ സ്വദേശിനി സജ്ന റഊഫ് ആണ് ഭാര്യ. രണ്ടു പെണ്‍കുട്ടികളും ഒരു ആണ്‍കുട്ടിയുമുണ്ട്. പ്രവാസി വെല്‍ഫെയര്‍ ജനസേവന വിഭാഗം കണ്‍വീനര്‍ സലീം ആലപ്പുഴയുടെ നേതൃത്വത്തില്‍ മൃതദേഹം നാട്ടിലേക്കു കൊണ്ടുപോകാനുള്ള നടപടികള്‍ പുരോഗമിച്ചു വരുന്നു.