സങ്കടക്കാഴ്ചയായി.... ദമാമില് മൊബൈല് ശരിയാക്കാനെത്തിയ മലയാളി കടയില് കുഴഞ്ഞുവീണ് മരിച്ചു...
19 AUGUST 2025 02:08 PM IST
മലയാളി വാര്ത്ത
സൗദി കിഴക്കന് പ്രവിശ്യയിലെ ദമ്മാം സീക്കോ ജങ്ഷനില് മലയാളി കുഴഞ്ഞുവീണ് മരിച്ചു. മലപ്പുറം ആനക്കയം സ്വദേശി അബ്ദുസ്സലാം (50) ആണ് മരിച്ചത്. കഴിഞ്ഞ ദിവസം മൊബൈല് റിപ്പയറിംഗിനായി ദമ്മാം സീക്കോയില് എത്തിയതായിരുന്നു ഇദ്ദേഹം. മൊബൈല് നല്കി കാത്തിരിക്കവേയാണ് ഷോപ്പില് കുഴഞ്ഞുവീണത്. ഉടന് അടുത്തുള്ള ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല
എ.സി ടെക്നീഷ്യനായി പതിനാല് വര്ഷമായി ജോലി ചെയ്തു വരികയാണ് അബ്ദുസ്സലാം. അവസാനമായി നാട്ടില് പോയി വന്നത് ഒരു വര്ഷം മുമ്പാണ്. മൃതദേഹം ദമ്മാം സെന്ട്രല് ആശുപത്രി മോര്ച്ചറിയിലേക്ക് മാറ്റി. നിയമനടപടികള് പൂര്ത്തിയാക്കി മൃതദേഹം ദമ്മാമില് മറവ് ചെയ്യുമെന്ന് സുഹൃത്തുക്കളും ബന്ധുക്കളും അറിയിച്ചു .
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
