ഇസ്രയേലില്‍ വാഹനാപകടത്തില്‍ മരിച്ച മലയാളി ഹോം നഴ്‌സിന്റെ മൃതദേഹം ഇന്ന് നാട്ടില്‍ എത്തിക്കും
03 SEPTEMBER 2025 07:59 AM IST
മലയാളി വാര്‍ത്ത
സങ്കടമടക്കാനാവാതെ.... ഇസ്രയേലില്‍ വാഹനാപകടത്തില്‍ മരിച്ച മലയാളി ഹോം നഴ്സ് വെളിയന്നൂര്‍ പുതുവേലി പുതുശേരില്‍ രൂപ രാജേഷിന്റെ (41) മൃതദേഹം ബുധനാഴ്ച നാട്ടില്‍ എത്തിക്കും.
രാത്രി എട്ടിന് നെടുമ്പാശേരി വിമാനത്താവളത്തില്‍ എത്തിക്കുന്ന മൃതദേഹം സ്വകാര്യ ആശുപത്രി മോര്‍ച്ചറിയില്‍ സൂക്ഷിക്കും. വ്യാഴം രാവിലെ എട്ടിന് വീട്ടില്‍ എത്തിക്കും. സംസ്‌കാരം പകല്‍ രണ്ടിന് വീട്ടുവളപ്പില്‍ നടക്കും. ഇസ്രയേലി സ്വദേശിയുടെ വീട്ടില്‍ ജോലി ചെയ്ത് വന്ന രൂപ കഴിഞ്ഞ ഓഗസ്റ്റ് 19ന് രോഗിയുമായി ആശുപത്രിയിലേയ്ക്ക് പോകുന്ന വഴി അഷ്ഗാമില്‍ ഉണ്ടായ അപകടത്തിലാണ് മരിച്ചത്.
രാമപുരം ചക്കാമ്പുഴ മഞ്ഞപ്പിള്ളില്‍ രാമന്‍, രുഗ്മിണി ദമ്പതികളുടെ മകളാണ്. ഭര്‍ത്താവ്: രാജേഷ് (കെട്ടിട നിര്‍മാണ തൊഴിലാളി). മക്കള്‍: പാര്‍വതി(ജര്‍മ്മനി), ധനുഷ് (പ്ലസ് വണ്‍ വിദ്യാര്‍ഥി കൂത്താട്ടുകുളം).
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
