സങ്കടക്കാഴ്ചയായി... ഉറക്കത്തിലുണ്ടായ ഹൃദയാഘാതത്തെത്തുടര്‍ന്ന് മലപ്പുറം സ്വദേശിയായ യുവാവ് ഒമാനിലെ സലാലയില്‍ നിര്യാതനായി. കൊണ്ടോട്ടി പുളിക്കല്‍ സ്വദേശി ചെറുകുന്നന്‍ വീട്ടില്‍ ഫസലു റഹ്മാനാ(31)ണ് നിര്യാതനായത്.

അഞ്ചാം നമ്പറിലെ താമസ സ്ഥലത്ത് വ്യാഴാഴ്ച രാത്രി ഉറങ്ങാനായി കിടന്ന ഇദ്ദേഹത്തെ പിറ്റേന്ന് രാവിലെ മരിച്ച നിലയില്‍ കണ്ടെത്തുകയായിരുന്നു. മൂന്ന് വര്‍ഷമായി സലാലയിലെ മീഡിയ സ്റ്റോര്‍ എന്ന സ്ഥാപനത്തില്‍ ജോലി ചെയ്തുവരികയായിരുന്നു. ആറ് മാസം മുമ്പാണ് വിവാഹിതനായത്.

ഭാര്യ റിസ്വാന തസ്‌നി. മസ്‌കത്തില്‍ ജോലി ചെയ്യുന്ന സഹോദരന്‍ റാഫി സലാലയില്‍ എത്തിയിട്ടുണ്ട്. നിയമനടപടികള്‍ക്ക് ശേഷം മൃതദേഹം നാട്ടിലേക്ക് കൊണ്ടുപോകും. പിതാവ്: കുഞ്ഞറമു. മാതാവ് ആയിശ.