സൗദിയിലെ ആദ്യകാല പ്രവാസിയും വ്യാപാര പ്രമുഖനുമായ മലപ്പുറം - പരപ്പനങ്ങാടി അട്ടകുഴങ്ങര സ്വദേശി അന്തരിച്ചു
സൗദിയിലെ ആദ്യകാല പ്രവാസിയും വ്യാപാര പ്രമുഖനുമായ മലപ്പുറം - പരപ്പനങ്ങാടി അട്ടകുഴങ്ങര സ്വദേശി പിആര് മുഹമ്മദ് ഹസ്സന് (62) ജിസാനില് അന്തരിച്ചു. നെഞ്ചുവേദനയെ തുടര്ന്ന് ജിസാനിലെ ബെയ്ഷ് ഹോസ്പിറ്റലില് പ്രവേശിപ്പിച്ച മുഹമ്മദ് ഹസ്സന് വെള്ളിയാഴ്ച രാത്രിയാണ് മരണത്തിന് കീഴടങ്ങിയത്.
ജിസാനിലെ അറാട്കോ ഗ്രൂപ്പിന്റെ കീഴിലുള്ള ജിസാന് ഹോട്ടലിന്റെയും ജിസാന് അറാട് കോ ക്യാമ്പിന്റെയും മാനേജര് ആയി സേവനം ചെയ്യുകയായിരുന്നു മുഹമ്മദ് ഹസ്സന്. നേരത്തേ യാംബുവിലെ ഡേ ടു ഡേ ഷോപ്പിംഗ് മാള് മാനേജറായിരുന്നു. ജിദ്ദയിലും സൗദിയിലെ മറ്റു മേഖലകളിലും വിവിധ വ്യവസായ സംരംഭകളില് നിറ സാന്നിധ്യമായിരുന്ന ഹസ്സന് 43 വര്ഷമായി സൗദി പ്രവാസിയായിരുന്നു.
ജീവകാരുണ്യ സേവന പ്രവര്ത്തനങ്ങളിലും അദ്ദേഹത്തിന്റെ പങ്ക് ഏറെ ശ്രദ്ധേയമായിരുന്നു. പരേതനായ പി.ആര് അബൂബക്കര് ഹാജിയാണ് മുഹമ്മദ് ഹസ്സന്റെ പിതാവ്. മാതാവ് :പരേതയായ ഖദീജ .ഭാര്യ: ഖൗലത്ത്. മക്കള് : അബ്ദുല് ഖാദര്, സല്മാന്, അജ്മല് സുലൈമാന്, ഖുശ്നൂരി. നടപടികള് പൂര്ത്തിയാക്കി മയ്യിത്ത് ജിസാനില് ഖബറടക്കുമെന്ന് ബന്ധുക്കള് .
https://www.facebook.com/Malayalivartha
