ശ്രീനാരായണ ഗുരുസന്ദേശവും നന്മയും സാഹോദര്യവും ലക്ഷ്യമാക്കി നോട്ടിൻ ഹാമിലെ കുടുംബ കൂട്ടായ്മയായ സംഗമം യുകെ നോട്ടിംഗ്ഹാം പ്രഥമ ഓണാഘോഷം ഇക്കഴിഞ്ഞ സെപ്റ്റംബർ 13ന് കാൾട്ടൺ ഹിന്ദു ടെമ്പിളിൽ വച്ച് അതിഗംഭീരമായി ആഘോഷിച്ചു. ഓണാഘോഷത്തിന് പൊലിമയേകാൻ ചെണ്ടമേളം, താലപ്പൊലി, മാവേലി-വാമനൻ വരവേൽപ്പ് എല്ലാം കാണികളിൽ കേരളത്തനിമയുടെ ദൃശ്യാവിഷ്കാരം നൽകി.പ്രണവം സ്കൂൾ ഓഫ് മ്യൂസിക്(PSM ചെണ്ട മേളം)ഡെർബി താലപ്പൊലിക്കും മാവേലി മന്നന്റെ വരവേൽപ്പിനും ഗംഭീര അരങ്ങൊരുക്കി. സംഗമം യുകെ പ്രസിഡന്റ് ശ്രീ മനോജ് പ്രസാദ് സെക്രട്ടറി, ശ്രീ അരുൺകുമാർ, ട്രഷറർ ശ്രീ ലിപു മട്ടത്തിൽ അഡ്വൈസറി കമ്മറ്റി കൺവീനർ ശ്രീ വിഷ്ണു വിജയകുമാർ എന്നിവർ ഓണാഘോഷ പരിപാടികൾക്ക് നേതൃത്വം നൽകി. സംഗമം നോട്ടിംഗ്ഹാം യുകെയുടെ ഔപചാരികമായ ലോഗോ പ്രകാശനം മാവേലി തമ്പുരാൻ നിർവഹിച്ചു.

തുടർന്ന് കൾച്ചറൽ പ്രോഗ്രാംസ്, ഗ്രാൻഡ് ഓണസദ്യ, വടംവലി, ഡിജെയും മറ്റും ആയി ആഘോഷിച്ചു.ടൈറ്റിൽ സ്പോൺസർ ശ്രീ അഭിലാഷ് ബാബു (ഫ്രീഡം സർക്കിൾ മോഡ് ഗേജ് ആൻഡ് ഇൻഷുറൻസ്)നു ഉപഹാരം നൽകി ആദരിച്ചു . കൃതജ്ഞത പ്രസംഗം ശ്രീ ലിപു മട്ടത്തിൽ നിർവഹിച്ചു. കലാപരിപാടികൾ അവതരിപ്പിച്ച കുട്ടികൾക്ക് ഭാരവാഹികൾ പ്രോത്സാഹനമായി ട്രോഫികൾ നൽകി.