സൗദിയിലെ അൽ അഹ്​സക്ക്​ സമീപം വാഹനാപകടത്തിൽ മരിച്ച കോട്ടയം മുണ്ടക്കയം സ്വദേശി വെസ്‌ലി ജോൺസണി​ന്‍റെ (ജോമോൻ, 33) മൃതദേഹം നാട്ടിലേക്ക്​ കൊണ്ടുപോയി. ഇക്കഴിഞ്ഞ തിങ്കളാഴ്​ച രാത്രിയിലായിരുന്നു അപകടം സംഭവിച്ചത്. റിയാദിൽ സ്വകാര്യ കമ്പനിയിൽ ഡ്രൈവറായ വെസ്​ലി ജോലിയുടെ ഭാഗമായി അൽ അഹ്​സയിലേക്ക്​ പോയതാണ്​. അവിടെ വെച്ച്​ രാത്രി 12ഓടെയാണ്​ അപകടം സംഭവിച്ചത്. വെസ്​ലി ഓടിച്ച മിനി ട്രക്കി​ന്‍റെ ഡ്രൈവർ കാബിൻ പാടെ തകർന്ന നിലയിലായിരുന്നു.

വെസ്​ലി സൗദിയിലെത്തിയത് രണ്ട്​ വർഷം മുമ്പാണ്​ ​. അവിവാഹിതനായിരുന്നു​. വിവാഹം കഴിക്കാനായി ജനുവരിയിൽ നാട്ടിൽ പോകാാനായി തീരുമാനിച്ചിരിക്കവേയാണ് വിധി തട്ടിയെടുത്തത്. ജോൺസൺ ആണ്​ പിതാവ്​. ജെസ്സി മാതാവ്​.