ഹോങ്കോങ്ങിലെ ബഹുനില കെട്ടിടങ്ങളിലുണ്ടായ തീപിടുത്തത്തിൽ മരിച്ചവരുടെ എണ്ണം 146 ആയി ഉയർന്നു. 150 പേരെ കാണാനില്ല. തിരച്ചിൽ അഞ്ചാം ദിവസത്തിലേക്ക് കടന്നിരിക്കുന്നു. തീപിടിത്തമുണ്ടായ കെട്ടിടങ്ങളുടെ നവീകരണ പ്രവർത്തനങ്ങളുമായി ബന്ധപ്പെട്ട് തീപിടിക്കുന്നതും നിലവാരമില്ലാത്തതുമായ വസ്തുക്കൾ ഉപയോഗിച്ചതിന് ഒരു സ്ത്രീ ഉൾപ്പെടെ എട്ട് പേരെ ഹോങ്കോങ്ങിന്റെ അഴിമതി വിരുദ്ധ സംഘം അറസ്റ്റ് ചെയ്യുകയും ചെയ്തു.

ബുധനാഴ്ചയായിരുന്നു ലോകത്തെ നടുക്കിയ അപകടം ഉണ്ടായത്. ചൈനീസ് അതിർത്തിയോട് ചേർന്നുള്ള ന്യൂ ടെറിട്ടറീസിലെ തായ് പോയിലാണ് ഈ കെട്ടിട സമുച്ചയം സ്ഥിതി ചെയ്യുന്നത്

4,600 ഓളം താമസക്കാരുള്ള 1,984 അപ്പാർട്ടുമെന്റുകളുള്ള ഏഴ് നില കെട്ടിടങ്ങളിലാണ് തീപടർന്നുപിടിച്ചത്. കെട്ടിട സമുച്ചയത്തിൽ അധികവും വയോധികരായ താമസക്കാരായിരുന്നുവെന്ന് അന്വേഷണസംഘം.