പ്രവാസികള്ക്ക് ഒമാന് വഴി നാട്ടിലെത്താം; ഷാര്ജയില് നിന്ന് മസ്കറ്റിലേക്ക് ബസ് സര്വീസ്
ഗള്ഫിലെ സംഘര്ഷ സാഹചര്യത്തില് പ്രവാസികള്ക്ക് കൂടുതല് ആശ്വാസം. യുഎഇയില് നിന്നും ഒമാനിലേക്ക് ബസ് സര്വീസുകള് ആരംഭിച്ചു. ഷാര്ജയില് നിന്നും മസ്കറ്റ് വിമാനത്താവളത്തിലേക്കാണ് സര്വീസ് നടത്തുന്നത്. പ്രവാസി യാത്രക്കാര്ക്ക് ഇനി ഒമാന് വഴി നാട്ടിലെത്താം.
ഒമാനില് നിന്നും വിമാന സര്വീസുകള് നാളെ മുതല് പുനരാരംഭിക്കുമെന്ന് എയര്ഇന്ത്യ എക്സ്പ്രസ് അറിയിച്ചു. കൊച്ചിയും കോഴിക്കോടുമടക്കം 6 ഇന്ത്യന് വിമാനത്താവളങ്ങളിലേക്കടക്കമുള്ള സര്വീസുകളാണ് എയര് ഇന്ത്യ എക്സ്പ്രസ് പുനരാരംഭിക്കുന്നത്. മസ്കറ്റില് നിന്ന് കൊച്ചി, കോഴിക്കോട്, ഡല്ഹി, മുംബൈ, മംഗളൂരു, തിരുച്ചിറപ്പള്ളി എന്നിവിടങ്ങളിലേക്ക് നാളെ (മാര്ച്ച് 3) മുതല് സര്വീസുകള് നടത്തുമെന്നാണ് അറിയിപ്പ്.
യു എ ഇ, സൗദി അറേബ്യ, ഖത്തര്, കുവൈത്ത്, ബഹ്റൈന് എന്നീ രാജ്യങ്ങളിലേക്കുള്ള വിമാന വിലക്ക് മാര്ച്ച് 3 അര്ദ്ധരാത്രി വരെ തുടരും. നിലവിലെ സാഹചര്യത്തില് വിമാനങ്ങള് റദ്ദാക്കുന്നവര്ക്കും സമയം മാറ്റുന്നവര്ക്കും പ്രത്യേക ഇളവുകള് അനുവദിക്കുമെന്നും അധികൃതര് വ്യക്തമാക്കിയിട്ടുണ്ട്.
https://www.facebook.com/Malayalivartha
