ഡ്രോണ് ആക്രമണത്തില് അബുദാബിയില് വന് തീപിടിത്തം
അബുദാബി റുവൈസ് വ്യവസായ മേഖലയില് ഡ്രോണ് ആക്രമണത്തെത്തുടര്ന്ന് വന് തീപിടിത്തം. അഗ്നിശമന സേന തീയണയ്ക്കാനുള്ള ശ്രമങ്ങള് തുടരുന്നു. അപകടത്തില് ആര്ക്കും പരിക്കേറ്റിട്ടില്ലെന്നും സ്ഥിതിഗതികള് നിയന്ത്രണവിധേയമാണെന്നും അധികൃതര് അറിയിച്ചു.
സ്വയം ഇല്ലാതാകാതിരിക്കാന്യുഎസ് ശ്രദ്ധിക്കണമെന്ന് ഇറാന്റെ ഉന്നത സുരക്ഷാ ഉദ്യോഗസ്ഥനായ അലി ലാറിജാനിയുടെ മുന്നറിയിപ്പ്.'' ഇറാന് എന്ന ത്യാഗസന്നദ്ധരായ രാഷ്ട്രം നിങ്ങളുടെ പൊള്ളയായ ഭീഷണികളെ ഭയപ്പെടുന്നില്ല. നിങ്ങളേക്കാള് വലിയവര്ക്ക് പോലും ഇറാനെ ഇല്ലാതാക്കാന് കഴിഞ്ഞിട്ടില്ല. നിങ്ങള് സ്വയം ഇല്ലാതാകാതിരിക്കാന് ശ്രദ്ധിക്കുക''– ലാറിജാനി എക്സില് കുറിച്ചു.
പശ്ചിമേഷ്യയിലും യുക്രെയ്നിലും സംഘര്ഷങ്ങള് തുടരുന്ന സാഹചര്യത്തില് യുഎസ് പ്രസിഡന്റ് ഡോണള്ഡ് ട്രംപ് റഷ്യന് പ്രസിഡന്റ് വ്ലാഡിമിര് പുട്ടിനുമായി സംഭാഷണം നടത്തി. രാജ്യാന്തര വിഷയങ്ങളെ കുറിച്ച് ഇരുനേതാക്കളും സംഭാഷണം നടത്തിയെന്ന് റഷ്യ ടുഡേ റിപ്പോര്ട്ടു ചെയ്യുന്നു. പുട്ടിനുമായുള്ള സംഭാഷണത്തെ കുറിച്ചു യുഎസ് പ്രസിഡന്റും സ്ഥിരീകരിച്ചിട്ടുണ്ട്. യുക്രെയ്നുമായി ബന്ധപ്പെട്ട വിഷയങ്ങള്ക്കൊപ്പം പശ്ചിമേഷ്യയെ കുറിച്ചും തങ്ങള് സംസാരിച്ചതായി ട്രംപ് സ്ഥിരീകരിച്ചു.
https://www.facebook.com/Malayalivartha
