ഖത്തറില് പ്രവാസികള് ഭൗമ മണിക്കൂര് ആചരിച്ചു
ആഗോള താപനത്തിന്റെയും കാലാവസ്ഥ വ്യതിയാനത്തിന്റെയും കെടുതികളില്നിന്ന് ഭൂമിയെ രക്ഷിക്കാന് ലോകം ഭൗമ മണിക്കൂര് ആചരിച്ചപ്പോള് ഖത്തറിലെ ഒരു കൂട്ടം പ്രവാസികള് ഭൗമ മണിക്കൂര് ആചരിച്ചു. ഒരു മണിക്കൂര് ലൈറ്റുകള് അണച്ച് ആ സമയത്ത് മെഴുകുതിരികള് കൊളുത്തുകയും എണ്ണവിളക്കുകള് തെളിക്കുകയും ചെയ്ത് ആഘോഷത്തില് പങ്കെടുക്കാനാണ് കുട്ടികളും കുടുംബങ്ങളുമടങ്ങിയ ഒരു സംഘം ആളുകള് ഖത്തറിലെ കള്ച്ചറല് ഫോറം ഓഫിസില് ഒത്തുചേര്ന്നത്.
കവിതകള് ആലപിച്ചും പാടിയും അവര് പരിസ്ഥിതി സംരക്ഷണത്തിന് പ്രകൃതി വിഭവങ്ങളുടെ കാര്യക്ഷമമായ വിനിയോഗത്തിനു ആഹ്വാനം ചെയ്തു. കള്ച്ചറല് ഫോറം മലപ്പുറം ജില്ലാ പ്രസിഡന്റ് റഷീദലി നിലമ്പൂര് നേതൃത്വം നല്കി. മെഹര് നൗഷാദ് പരിസ്ഥിതി സന്ദേശം നല്കി. 'പച്ചപ്പിലേക്ക് ജീവിതത്തിലേക്ക്' എന്ന പരിസ്ഥിതി കാമ്പയിെന്റ ഭാഗമായി നിരവധി ബോധവത്കരണ പരിപാടികളാണ് ഈ കൂട്ടായ്മ നടത്തുന്നത് .
https://www.facebook.com/Malayalivartha