ഷിക്കാഗോ ലാറ്റിന്‍ കാത്തലിക് കമ്യൂണിറ്റി ക്രിസ്തുമസ് ആഘോഷിച്ചു
ഷിക്കാഗോ ലാറ്റിന്‍ കാത്തലിക് കമ്യൂണിറ്റിയുടെ ഈവര്‍ഷത്തെ ക്രിസ്തുമസ് ആഘോഷം മേരി ക്യൂന്‍ ഓഫ് ഹെവന്‍ കാത്തലിക് ചര്‍ച്ചില്‍ വെച്ച് ആഘോഷിച്ചു.
ഫാ. ജോസിലാല്‍ കോയിപ്പറമ്പില്‍ മുഖ്യ കാര്‍മികനായ വിശുദ്ധ കുര്‍ബാനയുടെ സഹകാര്‍മികനായി ഫാ. ബെഞ്ചമിന്‍ ചിന്നപ്പന്‍ പങ്കെടുത്തു. ജോമോന്‍ പണിക്കത്തറ, റെജീന പണിക്കത്തറ, സൂസന്‍ ഗബ്രിയേല്‍, ബിനു അലക്‌സ് എന്നിവര്‍ ആലപിച്ച ഗാനങ്ങള്‍ ദിവ്യബലിയെ ഭക്തിസാന്ദ്രമാക്കി.
തുടര്‍ന്ന് ദേവാലയ ഓഡിറ്റോറിയത്തില്‍ ബെന്‍സന്‍ വലിയപാലമലയില്‍ സഹോദരങ്ങളുടെ അമേരിക്കന്‍ ദേശീയ ഗാനത്തോടുകൂടി ആരംഭിച്ച ക്രിസ്തുമസ് ആഘോഷപരിപാടിയില്‍ പങ്കെടുത്ത ഏവര്‍ക്കും ഷിക്കാഗോ ലാറ്റിന്‍ കാത്തലിക് കമ്യൂണിറ്റി പ്രസിഡന്റ് ഹെറാള്‍ഡ് ഫിഗരേദോ സ്വാഗതം ആശംസിച്ചു. ഫാ. ബെഞ്ചമിന്‍ ചിന്നപ്പന്‍ ക്രിസ്തുമസ് സന്ദേശം നല്‍കി. ഫാ. ജോസിലാല്‍ കോയിപ്പറമ്പില്‍, ജോസ് ആന്റണി പുത്തന്‍വീട്ടില്‍, ബേസില്‍ പെരേര, ബിജി ഫിലിപ്പ് എടാട്ട്, ജോര്‍ജ് പാലമറ്റം, ബ്ലെസി ചാണ്ടി എന്നിവര്‍ ക്രിസ്തുമസ് ആശംസകള്‍ നേര്‍ന്നു.
നിബിന്‍ തോബിയാസ് (കലാപ്രതിഭ, ഷിക്കാഗോ), അലക്‌സ് ചാണ്ടി എന്നിവരുടെ നൃത്തം ഏവരുടേയും പ്രശംസ പടിച്ചുപറ്റി. ഹെറാള്‍ഡ് ഫിഗരേദോയുടേയും ഷിബ മെന്‍ഡസിന്റേയും നേതൃത്വത്തില്‍ നടന്ന ക്രിസ്തുമസ് കരോളും, ജോര്‍ജ് ഡിസില്‍വ, രൂപാ ജോസഫ്, നിഡ ജോണ്‍, തോമസ് ഡിക്രൂസ് എന്നിവരുടെ പഴയതും പുതിയതുമായ ഗാനങ്ങള്‍ കോര്‍ത്തിണക്കിയ സംഗീത പരിപാടി അരങ്ങേറി.
വിജയന്‍ വിന്‍സെന്റ്, ബിനു അലക്‌സ്, ഷേര്‍ലി സേവ്യര്‍, ലതാ ജോസഫ്, കുഞ്ഞുമോള്‍ തോബിയാസ്, ആന്‍സണ്‍ ജോസഫ് എന്നിവര്‍ സ്‌നേഹവിരുന്നിനും കലാപരിപാടികള്‍ക്കും നേതൃത്വം നല്‍കി. ഷാജു ജോസഫ് ഏവര്‍ക്കും നന്ദി പറഞ്ഞു.
ജോയിച്ചന്‍ പുതുക്കുളം
https://www.facebook.com/Malayalivartha
