ഓസ്ട്രേലിയയിലെ പെര്ത്തില് ഓണം ആഘോഷിച്ചു
മലയാളി അസോസിയേഷന് ഓഫ് പെര്ത്തിന്റെ നേതൃത്വത്തില് നടന്ന ഓണാഘോഷം വിവിധ പരിപാടികളോടെ ആഘോഷിച്ചു. പൂക്കളം, മാവേലിയെ സ്വീകരിക്കല്, വടം വലി മത്സരം, മിട്ടായി പെറുക്കല്, സ്പൂണ് ലെമന് റെയ്സ്സ്, കസേരകളി, തിരുവാതിര, വള്ളംകളി എന്നിവയും ഉണ്ടായിരുന്നു. കേലംസ്കോട്ട് ഹാളില് ആണ് ആഘോഷപരിപാടികള് നടന്നത്. തുടര്ന്ന് നടന്ന സാസ്കാരിക സമ്മേളനത്തില് തോമസ് മാത്യു (പ്രസിഡണ്ട്) അധ്യക്ഷത വഹിച്ചു.
സുനീഷ് അബ്ദുല് സലാം (ജനറല് സെക്രട്ടറി) സ്വാഗതം ആശംസിച്ചു. ഇന്ത്യന് കോന്സുലേറ്റു ജനറല് എം സുബ്ബരായിടു ഉദ്ഘാടനം ചെയ്തു. ബില് ജോന്സ്ടന് എം എല് എ സോവനീര് പ്രകാശനം ചെയ്തു. മാര്ഗ്രെറ്റ് കുഇര്ക്ക് സമ്മാനദാനം നിര്വഹിച്ചു. ടോണി ബുടി എം എല് എ യും ഫാദര് തോമസും ആശംസകള് നേര്ന്നു. മരിയ ആല്ബര്ട്ട് നന്ദി രേഖപെടുത്തി.
തുടര്ന്ന് നടന്ന ഓണസദ്യയ്ക്കും കലാപരിപാടികള്ക്കും സുഭാഷ് മങ്ങാട്ട്, അപര്ണ എസ് നായര്, ഷിബു കെ പി, ജെയിംസ് ജോസഫ്, ആന്റണി പൗലോസ്, നിക്സന്, ബിജു ടി ആര് എന്നിവര് നേതൃത്വം നല്കി. ഓണത്തോട് അനുബന്ധിച്ചു സംഘടിപ്പിച്ച ക്രിക്കറ്റ്, ഫുട്ബോള് , ബാഡ്മിന്റണ് തുടങ്ങിയ കായിക മത്സരങ്ങളിലെ ജേതാക്കള്ക്ക് സമ്മാനങ്ങളും ട്രോഫികളും വിതരണം ചെയ്തു. വൈവിധ്യമാര്ന്ന മറ്റു കലാകായിക പരിപാടികളോടുകൂടെ നടന്ന ആഘോഷം ഓണസദ്യയോടെ അവസാനിച്ചു.
വാര്ത്ത അയച്ചത്: ബിജു ടി. രുഗ്മാംഗധന്
https://www.facebook.com/Malayalivartha
