മെല്‍ബണ്‍ : മലയാളി അസോസിയേഷന്‍ ഓഫ് വിക്ടോറിയ സെവന്‍സ് ഫുട്‌ബോള്‍ ടൂര്‍ണമെന്റ് 2014 മെയ് 3 മുതല്‍ 16 വരെ മെല്‍ബണിലെ ഡാണ്ടിനോങ്ങ്, ക്ലേറ്റണ്‍ എന്നിവിടങ്ങളിലെ വിവിധ ഗ്രൗണ്ടുകളിലായി നടക്കും. വിജയിക്കുന്ന ടീമിന് 751 ഡോളറും ട്രോഫിയും സമ്മാനം ആയി ലഭിക്കും. രണ്ടാം സ്ഥാനം ലഭിക്കുന്ന ടീമിന് 251 ഡോളറും ട്രോഫിയും സമ്മാനം ആയി ലഭിക്കും. 150 ഡോളര്‍ ആണ് ടീം രജിസ്‌റ്റേഷന്‍ ഫീസ്. ഓസ്‌ട്രേലിയയുടെ മറ്റു സംസ്ഥാനങ്ങളില്‍ നിന്നും എത്തുന്ന ടീമുകള്‍ക്ക് കളികള്‍ ഒരു വീക്ക്എന്‍ഡില്‍ തന്നെ ക്രമീകരിക്കുന്നതാണ്. 

ടീം രജിസ്റ്റര്‍ ചെയ്യുവാന്‍ info@mavaustralia.com.au എന്ന ഇ-മെയിലിലോ 0423 404 982 / 0469 787 445 എന്ന ഫോണ്‍ നമ്പറിലോ ബന്ധപ്പെടുക. മലയാളികളുടെ പ്രത്യേകിച്ച് മലബാര്‍ മേഖലയുടെ ആവേശം ആയ സെവന്‍സ് ഫുട്‌ബോളിന് ഓസ്‌ട്രേലിയയില്‍ വളരെ അധികം ആരാധകരാണ് ഉള്ളത്. എല്ലാ ശനിയാഴ്ചകളിലും സ്ഥിരമായി ഫുട്‌ബോള്‍ കളിക്കുന്ന മലയാളി ടീമുകല്‍ ഓസ്‌ട്രേലിയയുടെ വിവിധ ഭാഗങ്ങളില്‍ ഉണ്ട്. ഇത് കണക്കിലെടുത്താണ് മാവ് ഇങ്ങനെ ഒരു മത്സരം സങ്കടിപ്പിക്കുന്നത്. മാവ് 2013-ല്‍ നടത്തിയ ക്രിക്കറ്റ് ടൂര്‍ണമെന്റ് ഒരു വന്‍ വിജയം ആയിരുന്നു. പ്രശസ്ത സിനിമ താരം സുരേഷ് ഗോപി ആണ് വിജയികള്‍ക്ക് സമ്മാനം നല്‍കുവാന്‍ എത്തിയത്.

വാര്‍ത്ത അയച്ചത് : സജി മുണ്ടക്കന്‍