ബിഷപ്പ് ബോസ്‌കോ പുത്തൂരിന്റെ സ്ഥാനാരോഹണം മാര്‍ച്ച് 25 ന്
സീറോ-മലബാര്‍ സഭയുടെ നേതൃത്വത്തില്‍ പുതിയതായി പ്രഖ്യാപിക്കപ്പെട്ട മെല്‍ബണ്‍ രൂപതയുടെ ഔദ്യോഗികമായ ഉദ്ഘാടനവും മെല്‍ബണ്‍ രൂപതാ ബിഷപ്പായി വത്തിക്കാനില്‍ നിന്നും നിയമിതനായ ഫാ.ബോസ്‌കോ പുത്തൂരിന്റെ സ്ഥാനാരോഹണ ചടങ്ങും വിപുലമായ ചടങ്ങുകളോടെ മാര്‍ച്ച് 25 ന് വൈകീട്ട് 7 മണിക്ക് ഓസ്‌ട്രേലിയയിലെ മെല്‍ബണില്‍ നടക്കും.
ഫാ.ഫ്രാന്‍സിസ് കോലഞ്ചേരി ജനറല്‍ കണ്‍വീനറായും ഫാ.പീറ്റര്‍ കാവുംപുറം കണ്‍വീനറായും ട്രസ്റ്റിമാരും വിശ്വാസികളും അടങ്ങിയ വിപുലമായ ഒരു കമ്മിറ്റി പ്രവര്‍ത്തിക്കുന്നു. ചടങ്ങുകള്‍ക്ക് ഫാ.ലോനപ്പന്‍ അരങ്ങശ്ശേരിയുടെ നേതൃത്വത്തില്‍ ലിറ്ററസി-ക്വയര്‍ സംഘം പരിശീലനം തുടങ്ങിക്കഴിഞ്ഞു.
കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി, ബിഷപ്പ് മാര്‍ ആന്‍ഡ്രൂസ് താഴത്ത്, ബിഷപ്പ് മാര്‍ കുര്യാക്കോസ് ഭരണിക്കുളങ്ങര, ബിഷപ്പ് മാര്‍ പോളി കണ്ണൂക്കാടന്‍, ബിഷപ്പ് മാര്‍ ജോസഫ് പെരുന്നേടം, ബിഷപ്പ് മാര്‍ പോള്‍ ആലപ്പാട്ട്, മാര്‍ ജേക്കബ് തൂങ്കുഴി, ജോഷ്വ മാര്‍ ഇഗ്നേഷ്യസ്, റവ.പോള്‍ മയ്ചന്‍, ഫാ.ആന്റണി കൊല്ലന്നൂര്‍, ഫാ.സ്റ്റീഫന്‍ ചിരപ്പണത്ത് എന്നിവര്‍ ചടങ്ങിനെത്തുമെന്ന് സി.ബി.സി.ഐ. വൃത്തങ്ങള്‍ അറിയിച്ചു.
https://www.facebook.com/Malayalivartha
