ഫാ.മാത്യു കണയിങ്കലിന് യാത്രയയപ്പ്
നാരേവോറന്‍ കാത്തലിക് പള്ളിയില്‍ ആദ്യമായി മലയാളം കുര്‍ബാന പൊതുജനങ്ങള്‍ക്കായി തുടങ്ങുകയും തുടര്‍ന്ന് ആറുവര്‍ഷമായി അത് നിലനിര്‍ത്തുകയും ചെയ്ത മലയാളി സമൂഹം ഫാ.മാത്യു കണയിങ്കലിന് മലയാളി കൂട്ടായ്മയുടെ പേരില്‍ യാത്രയയപ്പ് നല്‍കി.
മലയാളം കുര്‍ബാനക്കുശേഷം വിപുലമായി ചടങ്ങുകള്‍ ഒരുക്കിയിരുന്നു. ആറു വൈദികര്‍ ഒരുമിച്ചു നടത്തിയ സമൂഹബലിയോടെയാണ് ചടങ്ങുകള്‍ ആരംഭിച്ചത്. പാരിഷ് ഹാളില്‍ നടന്ന ചടങ്ങില്‍ ഫാ.ജിനേഷ് പുത്തന്‍പുരയ്ക്കല്‍ അധ്യക്ഷനായിരുന്നു. ഫാ.ബ്രണ്ടന്‍ ഹോഗന്‍ ചടങ്ങില്‍ വിശിഷ്ടാതിഥിയായിരുന്നു. ഫാ.വിന്‍സന്റ് മഠത്തിപ്പറമ്പില്‍, ഫാ.ഷിജു സേവ്യര്‍, സൂസി എമിലി എന്നിവര്‍ സംസാരിച്ചു.
ജോസ് എം ജോര്‍ജ് നാളിതുവരെയുള്ള ഫാ.മാത്യു കണയിങ്കലിന്റെ പ്രവര്‍ത്തനങ്ങളെ അനുസ്മരിച്ചു. ചടങ്ങില്‍ വന്നെത്തിയവരെയും വിഭവസമൃദ്ധമായ വിഭവങ്ങള്‍ ഒരുക്കിയവരെയും ഫാ.സാബു ആടിമാക്കന്‍ നന്ദി അറിയിച്ചു.
https://www.facebook.com/Malayalivartha
