ഓസ്‌ട്രേലിയയിലെ അഡിലൈഡ് സെന്റ് ഗ്രിഗോറിയോസ് ഇന്ത്യന്‍ ഓര്‍ത്തഡോക്‌സ് ചര്‍ച്ച് പീഢാനുഭവവാരവും ഉയിര്‍പ്പ് പെരുന്നാളും ആചരിച്ചു. ഫാ.ഷിജു ജോ ആണ് ശുശ്രൂഷകള്‍ക്ക് നേതൃത്വം നല്‍കിയത്. തുടര്‍ന്നുള്ള ദിവസങ്ങളില്‍ സന്ധ്യാനമസ്‌കാരവും വചനശുശ്രൂഷയും നടത്തപ്പെട്ടു.
മലങ്കര കത്തോലിക്ക് സഭയിലെ ഫാ.സ്റ്റീഫന്‍ കുളത്തുംകരോട്ട് വചനശുശ്രൂഷ നടത്തി. സന്ധ്യാനമസ്‌കാരത്തോടുകൂടി ക്രിസ്തുവിന്റെ പെസഹ അനുഭവശുശ്രൂഷ നടത്തപ്പെട്ടു. തുടര്‍ന്ന് ഇടവകാംഗങ്ങള്‍ കൊണ്ടുവന്ന പെസഹഅപ്പം നേര്‍ച്ചയായി നല്‍കി. ദുഃഖവെള്ളിയാഴ്ച ശുശ്രൂഷകള്‍ക്ക് ഫാ.ഷിജു ജോണ്‍ നേതൃത്വം നല്‍കി. ദുഃഖശനിയാഴ്ചയുടെ ശുശ്രൂഷയും വി.കുര്‍ബാനയും നടന്നു. ഈസ്റ്റര്‍ ദിനത്തില്‍ രാവിലെ ഈസ്റ്റര്‍ ശുശ്രൂഷയും ഉയിര്‍പ്പ് പ്രഖ്യാപനവും വി.കുര്‍ബാനയുടെ നേര്‍ച്ച വിളമ്പും നടന്നു. നേതൃത്വം നല്‍കിയ ഫാ.ഷിജു ജോണിന് ഇടവക സെക്രട്ടറി മാത്യു സാമുവേല്‍ നന്ദി പ്രകാശിപ്പിച്ചു.

വാര്‍ത്ത അയച്ചത് : ബിജു കുര്യാക്കോസ്