പ്രവാസികളെ വീണ്ടും വലച്ച് ഈ ആറ് വിമാനത്താവളങ്ങൾ, ആര്.ടി.പി.സി.ആര് പരിശോധന നിര്ബന്ധമാക്കി, യാത്രക്കാര്ക്ക് ബുദ്ധിമുട്ടുണ്ടാക്കുന്നില്ലെന്ന് ബോധ്യപ്പെട്ടാല് മറ്റ് വിമാനത്താവളങ്ങളിലേക്കും വ്യാപിപ്പിക്കും, മുന്കൂട്ടി ബുക്ക് ചെയ്യാനുള്ള സൗകര്യം എയര് സുവിധ പോര്ട്ടലില്, വിമാനത്താവളങ്ങളില് മുന്കൂട്ടി ബുക്ക് ചെയ്യേണ്ടത് ഇപ്രകാരം...
കൊവിഡിനെ തുടർന്ന് പ്രതിസന്ധിയിലായ പ്രവാസികൾ എല്ലാം തന്നെ തിരിച്ചുവരവിന്റെ പാതയിലായിരുന്നു. എന്നാൽ വളരെ അപ്രതീക്ഷിതമായിട്ടായിരുന്നു കൊവിഡിന്റെ പുതിയ വകഭേദമായ ഒമിക്രോണിന്റെ കടന്നുവരവ്. ഇതിപ്പോൾ പ്രവാസികളെ വീണ്ടും വലയ്ക്കുകയാണ്. നാട്ടിലേക്ക് മടങ്ങാൻ കാത്തിരിക്കുന്ന പ്രവാസികൾക്ക് ഇനി കേന്ദത്തിന്റെ പുതിയ നിബന്ധനകൾ കൂടി കടക്കേണ്ടതായി വരും.
രാജ്യത്ത് കേരളമുള്പ്പെടെ വിവിധ സംസ്ഥാനങ്ങളില് ഒമിക്രോണ് രോഗവ്യാപനം രൂക്ഷമാകുന്ന സാഹചര്യത്തില് വിമാനത്താവളങ്ങളില് ആര്.ടി.പി.സി.ആര് പരിശോധന നിര്ബന്ധമാക്കി. രാജ്യത്തെ ആറ് വിമാനത്താവളങ്ങളിലാണ് പരിശോധന നിര്ബന്ധമാക്കിയിരിക്കുന്നത്.
പരിശോധന നിര്ബന്ധമാക്കിയത് യാത്രക്കാര്ക്ക് ബുദ്ധിമുട്ടുണ്ടാക്കുന്നില്ലെന്ന് ബോധ്യപ്പെട്ടാല് മറ്റ് വിമാനത്താവളങ്ങളിലേക്കും ഇത് വ്യാപിപ്പിക്കാനാണ് തീരുമാനം. ഒമിക്രോണ് വ്യാപനത്തെ തുടര്ന്ന് ഹൈ റിസ്ക് വിഭാഗത്തില്പ്പെടുത്തിയിട്ടുള്ള രാജ്യങ്ങളില് നിന്ന് എത്തുന്നവര്ക്കാണ് പരിശോധന നിര്ബന്ധമാക്കിയത്. ടെസ്റ്റ് നടത്തുന്നതിനായി മുന്കൂട്ടി ബുക്ക് ചെയ്യാനുള്ള സൗകര്യം എയര് സുവിധ പോര്ട്ടലില് സജ്ജമാക്കും. സിവില് ഏവിയേഷന് മന്ത്രാലയമാണ് ഇത് സംബന്ധിച്ച ഉത്തരവ് പുറത്തിറക്കിയത്.
ഡല്ഹി, മുംബൈ, കോല്ക്കത്ത, ബംഗളൂരു, ചെന്നൈ, ഹൈദരാബാദ് എന്നീ വിമാനത്താവളങ്ങളില് എത്തുന്ന യാത്രക്കാര്ക്ക് ടെസ്റ്റ് നടത്തുന്നതിനായി മുന്കൂട്ടി ബുക്ക് ചെയ്യാനുള്ള സൗകര്യം എയര് സുവിധ പോര്ട്ടലില് സജ്ജമാക്കുംമെന്ന് അധികൃതര് അറിയിച്ചിട്ടുണ്ട്.സാധാരണഗതിയില് ആര്ടിപിസിആര് പരിശോധനയുടെ നിരക്ക് 500 രൂപയാണ്. എട്ട് മണിക്കൂറിനുള്ളില് ഫലം ലഭിക്കും. പെട്ടെന്ന് ഫലം ലഭിക്കുന്ന റാപ്പിഡ് പരിശോധനയ്ക്ക് 3500 രൂപയായിരിക്കും. 30 മിനിറ്റ് മുതല് ഒന്നര മണിക്കൂറിനുള്ളില് റാപ്പിഡ് ടെസ്റ്റ് പരിശോധനാഫലങ്ങള് ലഭ്യമാകും.
വിമാനത്താവളങ്ങളില് മുന്കൂട്ടി ബുക്ക് ചെയ്യേണ്ടത് ഇപ്രകാരമാണ്..
സന്ദര്ശിക്കുന്ന അന്താരാഷ്ട്ര വിമാനത്താവളത്തിന്റെ ഔദ്യോഗിക വെബ്സൈറ്റ് സന്ദര്ശിക്കുക.
ഏറ്റവും മുകളിലായി കാണുന്ന 'Book Covid-19 Test' ക്ലിക്ക് ചെയ്യുക.
അന്താരാഷ്ട്ര യാത്രക്കാരന് എന്നത് തിരഞ്ഞെടുക്കുക. പേര്, ഇമെയില്, ഫോണ് നമ്പര്, ആധാര് നമ്പര്, പാസ്പോര്ട്ട് നമ്പര്, മേല്വിലാസം, എത്തിച്ചേരുന്ന സമയം, തീയതി എന്നിവ രേഖപ്പെടുത്തുക.
ആര്ടിപിസിആര്, റാപ്പിഡ് ആര്ടിപിസിആര് എന്നിവയില് നിന്ന് പരിശോധനാ രീതി തിരഞ്ഞെടുക്കുക. ഇത്തരത്തിലാണ് മുന്കൂട്ടി ബുക്ക് ചെയ്യേണ്ടത്.
https://www.facebook.com/Malayalivartha
