പ്രവാസികളെ സംബന്ധിച്ച് ആശ്വാസം നൽകുന്ന വാർത്തയാണ് യു.എ.ഇയിൽ നിന്ന് പുറത്തുവന്നിരിക്കുന്നത്. കോവിഡ് പ്രതിരോധത്തിൽ ഡബിൾ സ്ട്രോങ്ങാകാൻ നാലാമൻ ഉടൻ എത്തും...!.അതായത് നാലാം കൊവിഡ് ബൂസ്റ്റർ ഡോസുമായി മുന്നിട്ടിറങ്ങിയിരിക്കുകയാണ് അബുദാബി . കൊവിഡിനെ പ്രതിരോധിക്കാൻ നാലാമതൊരു ബൂസ്റ്റർ ഡോസിലേക്ക് കടത്തുകയാണ് ഈ ഗൾഫ് രാഷ്ട്രം.

ഫൈസറിന്റേയോ സിനോഫോമിന്റേയോ നാലാമത് ഡോസ് ബൂസ്റ്റർ വാക്‌സിൻ ഉടൻ എത്തുമെന്ന് അബുദാബി ആരോഗ്യ വകുപ്പ് അറിയിച്ചു. കൂടാതെ വാക്സിൻ സ്വീകരിക്കുന്നതിനുള്ള മാനദണ്ഡങ്ങളും അബുദാബി ആരോഗ്യ വകുപ്പ് പുറത്തിറക്കിയി‌ട്ടുണ്ട്. മറ്റൊരു ആശ്വാസ വാർത്തയെന്ന് പറയുന്നത് കൊവിഡ് ബൂസ്റ്റർ ഡോസ് നൽകുക നിർദ്ദിഷ്ട കേന്ദ്രങ്ങളിലൂടെ സൗജന്യമായാണ്. ഇതും പ്രവാസികൾക്ക് ആശ്വാസകരമാണ്.

വാക്‌സിൻ സ്വീകരിച്ച ദിവസം, പ്രായമടക്കമുള്ള വിവരങ്ങളുടെ അടിസ്ഥാനത്തിലാണ് ബൂസ്റ്റർ ഡോസിനുള്ള അർഹത നിർണയിക്കുക. ഫൈസറിന്റേയോ സിനോഫോമിന്റേയോ നാലാമത് ഡോസ് ബൂസ്റ്റർ വാക്‌സിൻ ഉടൻ എത്തുമെന്നാണ് അബുദാബി ആരോഗ്യ വകുപ്പ് അറിയിച്ചിരിക്കുന്നത്. അപ്പോൾ അർഹതപ്പെട്ടവർക്ക് ബൂസ്റ്റർ വാക്‌സിൻ എത്തിയാലുടൻ സ്വീകരിക്കാവുന്നതാണ്.എപ്പോൾ എത്തും, എന്നുമുതൽ വാക്സിൻ വിതരണം തുട‌ങ്ങും എന്ന കാര്യത്തിൽ വ്യക്തതവരാനുണ്ട്.വരും ദിവസങ്ങളിൽ അബുദാബി ആരോഗ്യ വകുപ്പ് ഇക്കാര്യത്തിൽ കൂടുതൽ വിശദീകരണം നൽകും എന്നാണ് പ്രതീക്ഷ.

നാലാം ഡോസ് ബൂസ്റ്റർ ഡോസ് സ്വീകരിക്കേണ്ടതിന്റെ മാനദണ്ഡങ്ങളും ആരോഗ്യ വകുപ്പ് പുറത്തിറക്കിയിട്ടുണ്ട്. സിനോഫാമിന്റെ രണ്ടോ മൂന്നോ ഡോസുകൾ സ്വീകരിച്ചവർക്കാണ് ബൂസ്റ്റർ ഡോസ് എടുക്കുന്നതിനുള്ള അർഹത. അവസാന ഡോസ് സ്വീകരിച്ച് ആറുമാസം പിന്നിട്ടവർക്ക് സിനോഫോമിന്റേയും ഫൈസറിന്റേയോ ബൂസ്റ്റർ ഡോസ് സ്വീകരിക്കാവുന്നതാണ്.സിനോഫോമിന്റെ രണ്ട് ഡോസുകളും ഫൈസറിന്റെ ബൂസ്റ്റർ ഡോസും സ്വീകരിച്ച് ആറ് മാസം പിന്നിട്ടവർക്ക് നാലാമത് ഡോസ് സ്വീകരിക്കാം. ഫൈസറിന്റെ രണ്ടോ അല്ലെങ്കിൽ മൂന്നോ ഡോസ് സ്വീകരിച്ചവർക്ക് ആറ് മാസം പിന്നിട്ടാൽ ബൂസ്റ്റർ ഡോസും സ്വീകരിക്കാം. ഗുരുതരമായ രോഗമുള്ളവർക്ക് മൂന്നാമത്തെ കൊവിഡ് വാക്‌സിൻ സ്വീകരിച്ച് മൂന്ന് മാസത്തിന് ശേഷം നാലാം ഡോസ് സ്വീകരിക്കാവുന്നതാണെന്നും ആരോഗ്യ വകുപ്പ് പുറത്തിറക്കിയ പ്രസ്താവനയിൽ വ്യക്തമാക്കുന്നു.

അതേസമയം 5 വയസ്സു വരെയുള്ള കുട്ടികൾക്ക് ഫെബ്രുവരി 2 മുതൽ അബുദാബിയിൽ കൊവിഡ് വാക്‌സിൻ നൽകി തുടങ്ങിയിരുന്നു. മുതിർന്നവർക്ക് നൽകിയിരുന്നത് പോലെ ആദ്യ ഡോസ് വാക്‌സിനെടുത്ത് 21 ദിവസം കഴിഞ്ഞാണ് കുട്ടികൾക്കും കൊവി‍ഡ് വാക്‌സിൻ നൽകി തു‌ടങ്ങിയിരിക്കുന്നത്. എന്തായാലും കൊവിഡ് പ്രതിരോധത്തിൽ ഒരു പടികൂടെ മുന്നിട്ട് നിൽക്കുകയാണ് അബുദാബിയുടെ ലക്ഷ്യമെന്ന് വ്യക്തമാക്കുന്നതാണ് ഈ പുതിയ തീരുമാനം.