സൗദിയിൽ അടുത്ത ദിവസം വലിയ സംഭവം നടക്കുമെന്ന് സൂചിപ്പിച്ച് സൗദി ആരോഗ്യ മന്ത്രാലയം ട്വീറ്റ് ചെയ്തിരുന്നു. വെറും അഞ്ച് സെക്കന്റുകള്‍ മാത്രം ദൈര്‍ഘ്യമുള്ള വീഡിയോയാണ് മന്ത്രാലയം ട്വീറ്റ് ചെയ്തത്.അതിന്റെ ആകാംക്ഷയിലായിരുന്നു എല്ലാവരും.'നമ്മുടെ ഭാവി, ഇപ്പോള്‍' എന്ന തലക്കെട്ടില്‍ വീഡിയോ സഹിതമാണ് സൗദി ആരോഗ്യ മന്ത്രാലയം ട്വീറ്റ് ചെയ്തത്.

ലോകത്തെ ഏറ്റവും വലിയ സംഭവമെന്നാണ് ആരോഗ്യ മന്ത്രാലയം ഇതിനെ ട്വീറ്ററിലൂടെ വിശേഷിപ്പിച്ചത്. എന്നാല്‍, കൂടുതല്‍ വിവരങ്ങള്‍ മന്ത്രാലയം പുറത്തു വിട്ടിട്ടില്ല.എന്താണ് ആ സസ്പെൻസ് എന്ന് കണ്ട് തന്നെ അറിയണം.എന്നാൽ സൗദിയിൽ ജോലി ചെയ്യുന്ന പ്രവാസികളെ സംബന്ധിച്ച് ആശ്വാസത്തിന്റെ നാളുകളാണ് ഇനി കടന്നുവരാൻ പോകുന്നത്.

കൊവിഡിന് മുമ്പ് എങ്ങനെയായിരുന്നോ ആ പഴയ അവസ്ഥയിലേക്ക് മടങ്ങാനാണ് എല്ലാ ഗൾഫ് രാഷ്ട്രങ്ങളും പരിശ്രമിക്കുന്നത്. എന്നാൽ കൊവിഡ് പകര്‍ച്ചാവ്യാധിയെ പ്രതിരോധിക്കുന്നതിന്റെ അവസാന ഘട്ടത്തിലാണ് സൗദി അറേബ്യയെന്ന് സൗദി ആരോഗ്യമന്ത്രാലയ അണ്ടര്‍ സെക്രട്ടറി ഡോ: അബ്ദുല്ല അസീരി പറഞ്ഞതിന്റെ ആത്മവിശ്വാസത്തിലാണ് പ്രവാസികൾ. സൗദി അറേബ്യ സാധാരണ ജീവിതത്തിലേക്ക് മടങ്ങുന്നതായുള്ള സൂചനയാണ് അദ്ദേഹം പങ്കുവയ്ച്ചത്.

മനുഷ്യരിലെ രോഗ വ്യാപനത്തിലും സാമ്പത്തിക മേഖലയിലെ ആഘാതത്തിലും മുന്‍ കാലങ്ങളെ അപേക്ഷിച്ച് വളരെ താഴ്ന്ന റിപ്പോര്‍ട്ടുകളാണ് ഇപ്പോഴുള്ളത്. മഹാമരിക്ക് മുമ്പ് എങ്ങിനെയായിരുന്നുവോ രാജ്യം, ആ നിലയിലേക്ക് അടുക്കാറായെന്നും എങ്കിലും മുന്‍കരുതല്‍ നടപടിക്രമകള്‍ പൂര്‍ണ്ണമായും പിന്തുടരേണ്ടതുണ്ടെന്നുമാണ് അദ്ദേഹം വ്യക്തമാക്കിയത്.

അദ്ദേഹത്തിന്റെ വാക്കുകൾ രാജ്യത്തിന് പുതുജീവൻ സമ്മാനിക്കുന്നതാണ്. ഇതിന് തെളിവായി കൊവിഡ് കണക്കുകൾ പരിശോധിച്ചാൽ മതിയാകും..സൗദിയിൽ കുത്തനെ കുറയുകയാണ് രോഗബാധിതർ. എന്നാൽ ചില നിയന്തണങ്ങളൊക്കെ എടുത്തുമാറ്റിയിട്ടുമില്ല.

വാക്സിനേഷൻ പൂർത്തിയാക്കാത്ത കോവിഡ് രോഗികൾ 10 ദിവസം ഹോം ക്വാറന്റൈൻ പാലിക്കണമെന്ന് സൗദി ആരോഗ്യമന്ത്രാലയം വ്യക്തമാക്കിയിരുന്നു. ഇത്തരക്കാർക്ക് അവസാനത്തെ മൂന്നു ദിവസം മരുന്നുകൾ ഉപയോഗിക്കാതെ തന്നെ പനി വിട്ടാൽ മാത്രമേ ക്വാറന്റൈൻ അവസാനിപ്പിക്കാവൂവെന്നും മന്ത്രാലയം വ്യക്തമാക്കി. ഒപ്പം മറ്റു രോഗലക്ഷണങ്ങളിലും കുറവുണ്ടാകണം. എങ്കിൽ ഇവർക്ക് പത്താം ദിനം ക്വാറന്റൈൻ അവസാനിപ്പിക്കാം.

വാക്സിനേഷൻ പൂർത്തിയാക്കിയവർക്കാണ് കോവിഡ് ബാധ സ്ഥിരീകരിക്കുന്നതെങ്കിൽ പോസിറ്റീവ് സാമ്പിൾ സ്വീകരിച്ച് ഏഴു ദിവസം ഹോം ക്വാറന്റൈന് പാലിച്ചാൽ മതിയാകും. ഇത്തരകാർക്ക് അവസാനത്തെ 24 മണിക്കൂർ പനിക്കുള്ള മരുന്നുകൾ ഉപയോഗിക്കാതെ പനിയുടെ ലക്ഷണങ്ങളൊന്നും ഉണ്ടാകാൻ പാടില്ല.

കൂടാതെ മറ്റു രോഗലക്ഷണങ്ങൾ കുറയുകയും വേണം. ക്വാറന്റൈന് കാലം പൂർത്തിയാക്കുകയും രോഗമുക്തി വ്യവസ്ഥകൾ കൈവരിക്കുകയും ചെയ്താൽ രോഗമുക്തി സ്ഥിരീകരിക്കാൻ പി.സി.ആർ പരിശോധന നടത്തേണ്ടതില്ല. രോഗമുക്തി നേടിയാലുടൻ അടിസ്ഥാന വാക്സിൻ ഡോസുകളും ബൂസ്റ്റർ ഡോസും സ്വീകരിക്കാവുന്നതാണെന്നും ആരോഗ്യമന്ത്രാലയം അയിക്കുകയുണ്ടായി.