കൊവിഡിനെ തു‌ടർന്ന് ഏർപ്പെടുത്തിയ നിയന്ത്രണങ്ങൾ ഒക്കെ ഒന്ന് തീർന്നുവെന്ന് കരുതിയതാണ്.കൊവിഡ് വ്യാപനം കുറഞ്ഞ സാഹചര്യത്തിൽ പ്രവാസികളും ഏറെ ആശ്വാസത്തിലായിരുന്നു.ഇപ്പോൾ ഇതാ പ്രവാസികൾക്ക് അടുത്ത പണി വന്നിരിക്കുകയാണ്.

അബുദാബിയില്‍ ഒട്ടുമിക്കവരും വാക്സിൽ സ്വീകരിച്ചവരായിരിക്കാം. അല്ലെങ്കിലും നിങ്ങൾ പേ‌ടിക്കേണ്ട. വാക്സിന്‍ സ്വീകരിക്കാത്തവര്‍ക്ക് ഒരു ഉഗ്രൻ ഓഫറാണ് അബുദാബി ഒരുക്കിയിരിക്കുന്നത്. വാക്സിന്‍ സ്വീകരിക്കാത്തവര്‍ക്ക് പൊതുപരിപാടിയില്‍ പങ്കെടുക്കാന്‍ പിസിആര്‍ പരിശോധന ഫലം മതിയാകും. അതും 48 മണിക്കൂറിനകമുള്ള പിസിആര്‍ പരിശോധനാ ഫലമാണ് ഹാജരാക്കേണ്ടത്.

ദേശീയ ദുരന്ത നിവാരണ സമിതിയാണ് ഇതുസംബന്ധിച്ച നിര്‍ദ്ദേശം നല്‍കിയത്. സന്ദര്‍ശക, ടൂറിസ്റ്റ് വിസയില്‍ എത്തിയവര്‍ക്കും ഈ തീരുമാനം ബാധകമാണെന്ന് പ്രത്യേകം ഓർക്കുക. പൊതുസ്ഥലങ്ങളില്‍ പ്രവേശിക്കാനും 48 മണിക്കൂറിനുള്ളിലെടുത്ത പിസിആര്‍ പരിശോധനാ ഫലം മതിയാകും.വാക്സിവെടുക്കാത്തവർക്കാണ് ഇത്തരത്തിൽ നിബന്ധന കൊണ്ടുവന്നിരിക്കുന്നത്.

നേരത്തെ പൊതുസ്ഥലങ്ങളിലേക്കും പൊതുചടങ്ങുകളിലേക്കും പ്രവേശനം അനുവദിച്ചിരുന്നത് വാക്‌സിന്‍ എടുത്ത് അല്‍ഹൊസന്‍ ആപ്പില്‍ ഗ്രീന്‍പാസുള്ളവര്‍ക്കു മാത്രമായിരുന്നു. പതിനാറ് വയസ്സിനു താഴെയുള്ളവര്‍ക്ക് ഇതില്‍ ഇളവ് നല്‍കിയിട്ടുണ്ട്.

ഒരിക്കല്‍ പിസിആര്‍ ടെസ്റ്റ് എടുക്കുന്ന താമസക്കാര്‍ക്ക് 14 ദിവസത്തേക്കും സന്ദര്‍ശകര്‍ക്ക് 7 ദിവസത്തേക്കുമാണ് അല്‍ഹൊസന്‍ ആപ്പില്‍ ഗ്രീന്‍ പാസ് തെളിയുക. ഗ്രീന്‍പാസ് നിലനിര്‍ത്താന്‍ തുല്യകാലയളവില്‍ പിസിആര്‍ പരിശോധന നടത്തേണ്ടതാണ്.

തുറസ്സായ സ്ഥലങ്ങളില്‍ മാസ്‌ക് വേണ്ടെന്നാണ് നിര്‍ദ്ദേശമെങ്കിസും അടച്ചിട്ട മുറികളില്‍ നടത്തുന്ന പരിപാടിയില്‍ പങ്കെടുക്കുന്നവര്‍ നിർബന്ധമായും മാസ്‌ക് ധരിക്കുകയും അകലം പാലിക്കുകയും വേണമെന്ന കർശന നിബന്ധന ഇപ്പോഴും നിലനിൽക്കുന്നുണ്ട്.