യാത്രക്കാരുടെ കുത്തൊഴുക്ക്, ഈ വിമാനത്താവളം വഴിയാണോ നിങ്ങളുടെ യാത്ര? പ്രവാസികൾ ഈ മുന്നറിയിപ്പ് അറിയാതെ പോകരുത്..! വിമാനത്താവള അധികൃതരുടെ നിർദ്ദേശം ഇങ്ങനെ..!
കൊവിഡ് ഭീതിയൊഴിഞ്ഞതോടെ പ്രവാസികൾ ഉൾപ്പെടെയുള്ളവർ നാട്ടിലേക്ക് പോകുന്നതിന്റെ തിരിക്കിലാണ്. യാത്രാ നിയന്ത്രണങ്ങളിൽ യു.എ.ഇ ഇളവുകൾ പ്രഖ്യാപിച്ചതോടെ ദുബായ് വിമാനത്താവളം വഴി യാത്ര ചെയ്യുന്നവരുടെ എണ്ണം കൂടിയിട്ടുമുണ്ട്. ഈ അവസരത്തിൽ ദുബായ് വിമാനത്താവളം വഴി യാത്ര ചെയ്യുന്നവര്ക്കുള്ള മുന്നറിയിപ്പുമായി എത്തിയിരിക്കുകയാണ് അധികൃതര്.
അടുത്ത രണ്ട് വാരാന്ത്യങ്ങളില് ദുബായ് വിമാനത്താവളം വഴി യാത്ര ചെയ്യുന്നവര്ക്കാണ് അധികൃതര് അറിയിപ്പ് നൽകിയിരിക്കുന്നത്.അധികൃതർ നൽകുന്ന അറിയിപ്പ് എന്തെന്നുവെച്ചാൽ യാത്രക്കാര് വിമാനം പുറപ്പെടുന്ന സമയത്തിന് കുറഞ്ഞത് മൂന്ന് മണിക്കൂര് മുമ്പെങ്കിലും വിമാനത്താവളത്തിൽ എത്തണം. അധികൃതരാണ് ഇത് സംബന്ധിച്ച നിര്ദ്ദേശം യാത്രക്കാർക്ക് നൽകിയിരിക്കുന്നത്.
അടുത്ത രണ്ട് വാരാന്ത്യങ്ങളിലായി ഏഴ് ലക്ഷത്തിലധികം യാത്രക്കാരാണ് ദുബായ് അന്താരാഷ്ട്ര വിമാനത്താവളത്തിലെ മൂന്നാം ടെര്മിനല് വഴി യാത്ര ചെയ്യാനിരിക്കുന്നതെന്ന് എമിറേറ്റ്സ് അധികൃതര് അറിയിച്ചു. ഈ സാഹചര്യത്തിലാണ് അധികൃതര് യാത്രക്കാര്ക്ക് ഇത്തരമൊരു നിര്ദ്ദേശം പുറപ്പെടുവിച്ചത്.
16 രാജ്യങ്ങളിലെ കോവിഡ് നിയന്ത്രണങ്ങളില് ഇളവ് പ്രഖ്യാപിച്ചിട്ടുള്ള സാഹചര്യത്തില് അവിടങ്ങളിലേക്കുള്ള യാത്രക്കാര്ക്ക് കോവിഡ് സംബന്ധമായ മെഡിക്കല് രേഖകള് സമര്പ്പിക്കാതെ തന്നെ ചെക്ക് ഇന് പൂര്ത്തിയാക്കാന് കഴിയുന്നതാണ്.
യു.കെ, പോര്ച്ചുഗല്, ഇറ്റലി, ജോര്ദാന്, മൗറീഷ്യസ്, മാലിദ്വീപ്, ഓസ്ട്രിയ, ബഹ്റൈന്, ഡെന്മാര്ക്ക്, ഹംഗറി, അയര്ലന്റ്, നോര്വെ, മെക്സിക്കോ, സൗദി അറേബ്യ, സ്പെയിന്, സ്വിറ്റ്സര്ലന്റ് തുടങ്ങിയ രാജ്യങ്ങളിലാണ് കോവിഡ് നിയന്ത്രണങ്ങളില് ഇളവ് അനുവദിച്ചിട്ടുള്ളത്.
യാത്രക്കാര് തങ്ങള് പോകുന്ന രാജ്യത്ത് പ്രാബല്യത്തിലുള്ള നിയന്ത്രണങ്ങള് എന്തൊക്കെയാണെന്ന് ഔദ്യോഗിക വെബ്സൈറ്റ് വഴി പരിശോധിക്കണമെന്നും ചെക്ക് ഇന് സുഗമമാക്കാനായി അതുപ്രകാരം ആവശ്യമായ രേഖകള് തയ്യാറാക്കണമെന്നും നിര്ദേശിച്ചിട്ടുണ്ട്. അതേസമയം, വിമാനം പുറപ്പെടുന്നതിന് 60 മിനിറ്റുകള്ക്ക് ശേഷം ചെക്ക് ഇന് ചെയ്യുന്നവരെ യാത്ര ചെയ്യാന് അനുവദിക്കില്ലെന്നും നിര്ദേശത്തില് വ്യക്തമാക്കുന്നു.
https://www.facebook.com/Malayalivartha