പെൺകുട്ടികളോട് മോശമായി പെരുമാറുക എന്നത് ഇന്നത്തെ സമൂഹത്തിൽ പുതുമയുള്ള ഒരു കാര്യമല്ല എന്നുള്ളത് നമ്മൾക്ക് അറിയാം. ഇതിനെതിരെ എല്ലാവരും ശക്തമായി തന്നെ പ്രതികരിക്കാറുണ്ടെങ്കിലും ഇത്തരം സംഭവങ്ങൾ വീണ്ടും ആവർത്തിക്കുന്നു എന്നതാണ് വാസ്തവം.വഴിയിലെന്നില്ല,യാത്രാ വേളയിലെന്നില്ല, സ്വന്തം വീട്ടിലെന്നില്ല എല്ലായിടത്തും സ്ത്രീകർക്ക് നേരെ അതിക്രമങ്ങൾ നടക്കുന്നത്.

ഒരി‌ത്തും ഇന്ന് പെൺകുട്ടികൾ സുരക്ഷിതരല്ല എന്ന് തെളിയിക്കുന്ന മറ്റൊരു സംഭവം കൂടി പുറത്തുവരികയാണ് .ട്രെയിനിലും മറ്റുമാണ് ദുരുദ്ദേശത്തോടെ പെൺകുട്ടികൾക്ക് നേരെ ഇത്തരം അക്രമങ്ങൾ നടക്കുന്നതെങ്കിൽ ഇപ്പോൾ ഇതാ ഫ്ലൈറ്റിലും ഇത്തരം സംഭവങ്ങൾ ആവർത്തിക്കുകയാണ്. ഈ സംഭവം നടക്കുന്നത് ലന്‍ഡനില്‍ നിന്ന് ബഹ്‌റൈനിലേക്കുള്ള യാത്രയ്ക്കിടെയാണ്.

യാത്രക്കാരായ രണ്ട് പെൺകുട്ടികൾക്ക് നേരെയാണ് യുവാവിന്റെ ഉപദ്രവം. വിമാനത്തില്‍ വച്ച്‌ മദ്യ ലഹരിയില്‍ ഇയാൾ പെണ്‍കുട്ടികളെ ഉപദ്രവിക്കുകയും അശ്ലീലചുവയോടെ സംസാരിക്കുകയും ചെയ്തു അമിതമായി മദ്യപിച്ച പ്രതി വിമാനത്തില്‍ യാത്ര ചെയ്യുകയായിരുന്ന 16 വയസില്‍ താഴെ പ്രായമുള്ള രണ്ട് പെണ്‍കുട്ടികളോട് അശ്ലീലചുവയോടെ സംസാരിക്കുകയും ഉപദ്രവിക്കാന്‍ ശ്രമിക്കുകയും ചെയ്തിരുന്നതായാണ് അധികൃതര്‍ നൽകുന്ന വിവരം.

പെണ്‍കുട്ടികളുടെ സമീപത്തുവച്ച്‌ ഇയാൾ നഗ്‌നതാ പ്രദര്‍ശനവും നടത്തി. ഇവരുടെ ശരീരത്തില്‍ സ്പര്‍ശിച്ചതോടെ കുട്ടികള്‍ അലറിവിളിച്ച്‌ ബഹളമുണ്ടാക്കുകയായിരുന്നുവെന്നും പൊലീസ് പറഞ്ഞു.വിമാന ജീവനക്കാരുടെ നിര്‍ദേശപ്രകാരമാണ് ബഹ്‌റൈനില്‍ എത്തിയ ശേഷം പെണ്‍കുട്ടികള്‍ പൊലീസില്‍ പരാതി നല്‍കിയത്.

വിമാനം അന്തരീക്ഷച്ചുഴികളില്‍ വീണപ്പോള്‍ അബദ്ധത്തില്‍ പെണ്‍കുട്ടികളുടെ ശരീരത്തില്‍ താന്‍ സ്പര്‍ശിച്ചതാണെന്നാണ് ഇയാള്‍ കോടതിയിൽ വാദിച്ചത്. എന്നാല്‍ യുവാവിന്റെ വാദങ്ങളെല്ലാം കോടതി അപ്പാടെ തള്ളിക്കളഞ്ഞു. വിമാനത്തില്‍ വച്ച്‌ മദ്യ ലഹരിയില്‍ പെണ്‍കുട്ടികളെ ഉപദ്രവിച്ചെന്ന പരാതിയില്‍ 25കാരന് ബഹ്‌റൈന്‍ കോടതി തടവ് ശിക്ഷ വിധിച്ചിക്കുകയായിരുന്നു.

പൊതുമര്യാദകള്‍ക്ക് നിരക്കാത്ത പ്രവൃത്തികള്‍ക്കും പീഡനത്തിനും ഉള്‍പെടെയാണ് കോടതി ശിക്ഷ വിധിച്ചത്. യുവാവ് പ്രതി മദ്യ ലഹരിയിലായിരുന്നുവെന്നും ലൈംഗിക താത്പര്യങ്ങളോടെ പെണ്‍കുട്ടികളെ ഉപദ്രവിച്ചുവെന്നും കോടതി കണ്ടെത്തിയതിനെ തുടർന്നാണ് ഈ കടുത്ത നടപടി കോടതി സ്വീകരിച്ചത്. ഇത്തരം കടുത്ത നടപടികളിലൂടെ മാത്രമേ പെൺകുട്ടികൾക്കെതിരായ ഇത്തരം അതിക്രമങ്ങൾക്ക് തടയിടാൻ സാധിക്കൂ. വിമാന യാത്രയിൽപ്പോലും പെൺകുട്ടികൾ സുരക്ഷിതരല്ലെങ്കിൽ പിന്നെ എവിടെയാണ് ഇവർക്ക് സുരക്ഷിതത്വം അവകാശപ്പെടാനാവുക.