ഓസ്ട്രേലിയയില് മലയാളി നഴ്സും മക്കളും കാറിനുള്ളില് കത്തിക്കരിഞ്ഞ നിലയില് കണ്ടെത്തി
ഓസ്ട്രേലിയയില് മലയാളി നഴ്സിനെയും രണ്ട് മക്കളെയും കാറിനുള്ളില് കത്തിക്കരിഞ്ഞ നിലയില് കണ്ടെത്തി. ജാസ്മിന്, മക്കളായ എബിലിന്, കാരലിന് എന്നിവരാണ് മരിച്ചതെന്നാണ് പുറത്തുവരുന്ന വിവരം. ആറു വയസില് താഴെയുള്ള പെണ്കുട്ടികളാണ് രണ്ടു പേരും. മരിച്ച യുവതിക്കു 30 വയസിനു മുകളില് പ്രായമുണ്ടെന്നാണ് പൊലീസ് നിഗമനം.
ക്രാന്ബേണ് വെസ്റ്റില് ഹൈവേയില് കൃഷിയിടത്തോടു ചേര്ന്നു നിര്ത്തിയിട്ട നിലയിലാണ് കാര് കണ്ടെത്തിയത്. തീപ്പിടിത്ത വിവരം അറിഞ്ഞ് അഗ്നിരക്ഷാ ഉദ്യോഗസ്ഥര് എത്തിയാണ് തീയണച്ചത്. അതേ സമയം മരിച്ചവരുടെ വിവരങ്ങള് വിക്ടോറിയ പൊലീസ് ഔദ്യോഗികമായി പുറത്തു വിട്ടിട്ടില്ല. അപകടത്തില് ദൃക്സാക്ഷികളായ ആരെങ്കിലുമുണ്ടെങ്കില് ബന്ധപ്പെടണമെന്നു നിര്ദേശിച്ചിട്ടുണ്ട്.
വാഹനം കത്തിയതിനാല് അപകട കാരണം കണ്ടെത്താനായിട്ടില്ല. ഡിഎന്എ പരിശോധന ഉള്പ്പടെ നടത്തി മൃതദേഹം ആരുടേതാണ് എന്ന് ഉറപ്പിച്ച ശേഷമായിരിക്കും മൃതദേഹം വിട്ടു നല്കുന്നത് ഉള്പ്പടെയുള്ള നടപടികള് ഉണ്ടാകുക.
https://www.facebook.com/Malayalivartha