യു.എ.ഇയില് കാലാവസ്ഥ വ്യതിയാനം, താപനില കൂടുമെന്ന മുന്നറിയിപ്പുകൾക്ക് പിന്നാലെ കനത്ത മൂടല് മഞ്ഞ്, പല പ്രദേശങ്ങളിലും ദൃശ്യപരിതി 1000 മീറ്ററില് താഴെയായി കുറഞ്ഞു, ദുബായ് എക്സ്പോ റോഡിലും... അല് ഐന് റോഡിലും മൂടല് മഞ്ഞ്...!!
കടുത്ത കാലാവസ്ഥ വ്യതിയാനമാണ് ഇപ്പോൾ യു.എ.ഇയില് സംഭവിച്ചു കൊണ്ടിരിക്കുന്നത്. കഴിഞ്ഞ ദിവസങ്ങളിൽ താപനില കൂടുമെന്ന തരത്തിൽ മുന്നറിയിപ്പുകൾ പുറത്തുവന്നിരുന്നു. ഇപ്പോളിതാ യു.എ.ഇയില് കനത്ത മൂടല് മഞ്ഞ് അനുഭവപ്പെടുമെന്ന തരത്തിലുള്ള മുന്നറിയിപ്പാണ് കാലാവസ്ഥാ നിരീക്ഷണ കേന്ദ്രം പുറത്തുവിട്ടിരിക്കുന്നത്.
ഇതിന്റെ ഭാഗമായി ദൃശ്യപരിതി കുറയാന് സാധ്യതയുണ്ട്. അതിനാൽ ഡ്രൈവര്മാര് ജാഗ്രത പാലിക്കണമെന്ന് കാലാവസ്ഥാ വിദഗ്ധര് മുന്നറിയിപ്പ് നല്കിയിട്ടുണ്ട്. കൂടാതെ ദുബായ് എക്സ്പോ റോഡിലും, അല് ഐന് റോഡിലും മൂടല് മഞ്ഞ് അനുഭവപ്പെടും. എക്സ്പോ അവസാനിക്കാൻ ഇനി ദിവസങ്ങൾ മാത്രമാണ് ബാക്കി നിൽക്കുന്നത്. അതിനാൽ സന്ദർശകരുടെ ഒഴുക്ക് കൂടുന്നുണ്ട്. ഈ ഒരു സാഹചര്യത്തിൽ ഇവിടേക്ക് എത്തുന്ന സന്ദർശകർക്ക് യാത്രവേളയിൽ കനത്ത മൂടല് മഞ്ഞ് ബുദ്ധിമുട്ടുകൾ സൃഷ്ടിക്കും.
പല പ്രദേശങ്ങളിലും ദൃശ്യപരിതി 1000 മീറ്ററില് താഴെയായി കുറഞ്ഞിട്ടുണ്ടെന്നും റിപ്പോർട്ടുകളുണ്ട്. അതിനാൽ ഡ്രൈവര്മാര്
വാഹനമോടിക്കുമ്പോള് അജീവ ജാഗ്രത പുലര്ത്തണമെന്നാണ് അധികൃതര് നല്കിയിരിക്കുന്ന മുന്നറിയിപ്പ്.അതുപോലെ തന്നെ അബുദാബിയിലെ വിവിധ ഭാഗങ്ങളില് മൂടല് മഞ്ഞ് അനുഭവപ്പെടുന്നുണ്ട്. ഡ്രൈവര്മാര് വാഹനമോടിക്കുമ്പോള് വേഗത കുറയ്ക്കണമെന്നും വാഹനങ്ങള് തമ്മില് സുരക്ഷിതമായ അകലം പാലിക്കണമെന്നും നിര്ദ്ദേശമുണ്ട്.
അതേസമയം, യുഎഇയില് താപനില ഉയരാന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ദുബായിയിലും അബുദാബിയിലും താപനില ഉയരാന് സാധ്യതയുണ്ടെന്നാണ് അറിയിപ്പ്.കഴിഞ്ഞ ദിവസങ്ങളിൽ പകല് അന്തരീക്ഷ താപനില പരമാവധി 40 ഡിഗ്രി സെല്ഷ്യസ് വരെ ഉയരുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു.
രാജ്യത്ത് 40.5 ഡിഗ്രി സെല്ഷ്യസ് വരെ താപനില കഴിഞ്ഞ ദിവസങ്ങളിൽ രേഖപ്പെടുത്തിയിരുന്നു. അല് ഐനിലെ സ്വൈഹാനില് പ്രാദേശിക സമയം ഉച്ചയ്ക്ക് 1.45നാണ് ഏറ്റവും കൂടിയ ചൂട് രേഖപ്പെടുത്തിയത്. കഴിഞ്ഞ ദിവസം അല് ഐനിലെ അല് റക്നയിലായിരുന്നു രാജ്യത്തെ ഏറ്റവും താഴ്ന്ന താപനില രേഖപ്പെടുത്തിയത്. പുലര്ച്ചെ 6.30ന് ഇവിടെ 11.6 ഡിഗ്രി സെല്ഷ്യസായിരുന്നു ഇവിടുത്തെ അന്തരീക്ഷ താപനില. അടുത്ത ദിവസങ്ങളിലും പകല് സമയങ്ങളില് ശക്തമായ ചൂടും രാത്രി അന്തരീക്ഷ ആര്ദ്രത കൂടുതലുമായിരിക്കുമെന്നും മുന്നറിയിപ്പിൽ പറഞ്ഞിരുന്നു.
യുഎഇയില് തണുപ്പ് കാലം അവസാനിക്കുന്നതിന്റെ സൂചന നല്കി അന്തരീക്ഷ ഊഷ്മാവ് കൂടിവരുന്നതായി കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു. താപനില വലിയ തോതില് വര്ധിക്കുമെന്ന് നാഷനല് സെന്റര് ഫോര് മെറ്റീയറോളജി അധികൃതര് നേരത്തെ തന്നെ അറിയിച്ചിരുന്നു. താപനില 40 ഡിഗ്രി സെല്ഷ്യസ് മറികടക്കുമെന്നും അധികൃതര് മുന്നറിയിപ്പ് നൽകിയിരുന്നതാണ്. അബുദാബിയിലായിരിക്കും ചൂട് കൂടുതലെന്നാണ് പ്രവചിച്ചിരുന്നത്.
https://www.facebook.com/Malayalivartha