പ്രവാസികൾ കാത്തിരുന്ന ആ സുദിനം ഇന്നാണ്...! ഇനി ആശങ്കയില്ല..ആശ്വാസം മാത്രം, രണ്ട് വർഷത്തിന് ശേഷം വിമാന സർവീസുകൾ പഴയ രീതിയിലേക്ക്, അന്താരാഷ്ട്ര വിമാനസർവീസുകൾ പൂർണതോതിൽ പുനഃരാരംഭിക്കുന്നു...!
പ്രവാസികളെല്ലാം കാത്തിരുന്ന ആ സുദിനം ഇന്നാണ്. ഇനി വിമാനസർവീസുകളുടെ കാര്യത്തിൽ ആശങ്ക വേണ്ട. കൊവിഡ്-19 പ്രതിരോധ പ്രവർത്തനങ്ങളുടെ ഭാഗമായി രാജ്യത്ത് നിർത്തിവെച്ചിരുന്ന വിമാനസർവീസുകൾ ഇന്ന് മുതൽ പൂർണതോതിൽ പുനഃരാരംഭിക്കുകയാണ്. വിമാന സർവീസുകൾ ആരംഭിക്കുമെന്ന ഈ ആശ്വാസ വാർത്ത അറിയിച്ചത് വ്യോമയാന മന്ത്രാലയമാണ്.
രണ്ട് വർഷത്തിന് ശേഷമാണ് രാജ്യത്തെ വിമാന സർവീസുകൾ പഴയ രീതിയിലേക്ക് എത്തുന്നതെന്ന പ്ര്യേകതയുമുണ്ട്. അന്താരാഷ്ട്ര വിമാനങ്ങള്ക്കുള്ള കൊവിഡ് നിയന്ത്രണങ്ങള് ഇന്നുമുതല് പൂര്ണമായി ഇല്ലാതായി സാധാരണ നിലയില് വിമാനസര്വ്വീസുകള് പുനരാരംഭിക്കും.
കൊവിഡ് കേസുകൾ ഗണ്യമായി കുറഞ്ഞ സാഹചര്യത്തിലാണ് ഇപ്പോള് വിമാന സര്വ്വീസിനായി ഏര്പ്പെടുത്തിയ എല്ലാ നിയന്ത്രണങ്ങളും ഒഴിവാക്കുന്നത്. കൂടാതെ ഭൂരിഭാഗം പേരും കൊവിഡ് പ്രതിരോധ വാക്സിൻ സ്വീകരിച്ചതുമാണ് രാജ്യാന്തര വിമാനങ്ങൾക്ക് ഏർപ്പെടുത്തിയിരുന്ന വിലക്ക് നീക്കാൻ വ്യോമയാന മന്ത്രാലയത്തെ പ്രേരിപ്പിച്ച ഘടകങ്ങൾ.
വേനൽക്കാല ഷെഡ്യൂളുകൾ മുതൽ സർവീസുകൾ പുനഃരാംഭിക്കാനാണ് തീരുമാനമെന്ന് മന്ത്രാലയം നേരത്തെ തന്നെ അറിയിച്ചിരുന്നു. സർവീസുകൾ പുനഃരാരംഭിക്കുമെങ്കിലും അന്താരാഷ്ട്ര യാത്രകൾക്കായി ആരോഗ്യ മന്ത്രാലയം നിർദേശിച്ച മാർഗ നിർദേശങ്ങൾ കർശനമായി പാലിക്കണമെന്ന നിർദേശവും നൽകിയിട്ടുണ്ട്. വിനോദ സഞ്ചാരികള്ക്കുള്ള യാത്രാനുമതിക്കും ഇനി മുതല് തടസമുണ്ടാകില്ല.
വിദേശ വിനോദ സഞ്ചാരികള്ക്ക് വിസ അനുവദിക്കുന്നതിനുള്ള നടപടികള് വേഗത്തിലാക്കുമെന്നും കേന്ദ്രസര്ക്കാര് അറിയിച്ചു.കൊവിഡ് വ്യാപനത്തെ തുടര്ന്ന് 2020 മാര്ച്ച് മാസത്തിലാണ് വിമാനസര്വ്വീസുകള്ക്ക് നിയന്ത്രണം ഏര്പ്പെടുത്തിയത്. പിന്നീട് നിയന്ത്രണങ്ങളോടെയായിരുന്നു കഴിഞ്ഞ രണ്ട് വര്ഷക്കാലം വിമാന സര്വ്വീസുകള് നടത്തിവന്നിരുന്നത്.
കൊവിഡ് നിയന്ത്രണങ്ങൾ നിലനിന്നിരുന്നതിനാൽ വിവിധ രാജ്യങ്ങൾ തമ്മിലുള്ള ധാരണയുടെ അടിസ്ഥാനത്തിൽ തയ്യാറാക്കിയ എയർ ബബിൾ സംവിധാനത്തിലുള്ള പ്രത്യേക സർവീസുകൾ മാത്രമാണ് രാജ്യത്തുണ്ടായിരുന്നത്. കൊവിഡ് കേസുകൾ കുറഞ്ഞതോടെ കഴിഞ്ഞവർഷം ഡിസംബർ പതിനഞ്ച് മുതൽ അന്താരാഷ്ട്ര വിമാന സർവീസുകൾ പുനഃരാംഭിക്കാൻ ഇന്ത്യ ആലോചിച്ചെങ്കിലും കൊവിഡിനൊപ്പം ഒമിക്രോൺ കേസുകൾ കൂടെ വ്യാപകമായതോടെ തീരുമാനം മാറ്റുകയായിരുന്നു.
പിന്നെ ഇപ്പോഴാണ് വിലക്ക് പൂർണമായി നീക്കിയുള്ള പ്രഖ്യാപനം പുറത്തുവന്നത്. എന്തായാലും പ്രവാസികളെല്ലാം വാർത്ത പുറത്തുവന്നതോടെ വളരെയധികം ആശ്വാസത്തിലും പറഞ്ഞറിയിക്കാൻ പറ്റാത്ത സന്തോഷത്തിലുമാണെന്ന് പ്രതീക്ഷിക്കുന്നു.
https://www.facebook.com/Malayalivartha