പ്രവാസി പെന്ഷൻ വര്ധിപ്പിച്ച് സര്ക്കാര്, ഏപ്രിൽ മുതൽ നൽകി തുടങ്ങും, പദ്ധതിയിൽ ചേർന്നിട്ടുള്ളത് ഏഴ് ലക്ഷത്തോളം പേർ
കേരള പ്രവാസി ക്ഷേമ ബോര്ഡ് നല്കുന്ന പ്രവാസി പെന്ഷനും ക്ഷേമനിധി അംശദായവും ഏപ്രില് ഒന്നു മുതല് വര്ധിപ്പിച്ച് സര്ക്കാര് ഉത്തരവായി.1 എ വിഭാഗത്തിന്റെ മിനിമം പെന്ഷന് 3,500 രൂപയായും 1 ബി/ 2 എ വിഭാഗങ്ങളുടേത് 3,000 രൂപയായുമാണ് വര്ധിപ്പിച്ചത്.
അംശദായം അടച്ച വര്ഷങ്ങള്ക്ക് ആനുപാതികമായി 7,000 രൂപ വരെ പ്രവാസി പെന്ഷന് ലഭിക്കും. ഏപ്രില് ഒന്നു മുതല് 1 എ വിഭാഗത്തിന് 350 രൂപയും 1 ബി/ 2 എ വിഭാഗത്തിന് 200 രൂപയും ആയിരിക്കും പ്രതിമാസ അംശദായം.2021- 2022 പ്രഖ്യാപിച്ച ബജറ്റിൽ വർദ്ധിപ്പിച്ച പെൻഷൻ തുക 2022 ഏപ്രിൽ മുതൽ നൽകി തുടങ്ങുമെന്ന് അയിച്ചിരുന്നു.
കേരള പ്രവാസി ക്ഷേമനിധി ബോർഡ് ഡയറക്ടർ പി.എം. ജാബിർ ആണ് ഇക്കാര്യം അറിയിച്ചത്. സോഫ്റ്റ് വെയർ അപ്ഡേഷൻ നടപടികൾ പുരോഗമിക്കുകയാണ്. ഇത് പൂർത്തിയാകുന്നതോടെ അടുത്തമാസം മുതൽ പുതുക്കിയ പെൻഷൻ വിതരണം ചെയ്യും.
https://pravasikerala.org എന്ന വെബ്സൈറ്റിലൂടെ ഓൺലൈനായി പദ്ധതിയിൽ ചേരാൻ സാധിക്കും. ഏഴ് ലക്ഷത്തോളം പേരാണ് പദ്ധതിയിൽ ചേർന്നിട്ടുള്ളത്. ഏഴ് വർഷങ്ങൾക്ക് മുമ്പ് വ്യത്യസ്ത കാറ്റഗറികളിൽ ആയി മിനിമം പെൻഷൻ തുകയായി 500 രൂപയും 1,000 രൂപയും ആയിരുന്നു. ഇതാണ് സർക്കാർ വർധിപ്പിച്ചിരിക്കുന്നത്.
https://www.facebook.com/Malayalivartha