യുഎഇയിൽ കാലാവസ്ഥ വ്യതിയാനം അതിരൂക്ഷമാകുകയാണ്. കാലാവസ്ഥാ നിരീക്ഷണ കേന്ദ്രം പുറത്തുവിടുന്ന മുന്നറിയിപ്പുകൾ ഒരുകാരണ വശാലും നിസാരവത്ക്കരിക്കാൻ പാടില്ല. ഒരു എത്തുപിടിയും ഇല്ലാത്ത രീതിയിലാണ് മുന്നോട്ട് പോകുന്നത്. ദിനം പ്രതി മാറ്റങ്ങൾ സംഭവിച്ചുകൊണ്ടിരിക്കുകയാണ്.

കാലാവസ്ഥയിൽ ഒരു സ്ഥിരത ഉണ്ടാകുന്നില്ല എന്നത് എടുത്ത് പറയേണ്ട ഒരു കാര്യം തന്നെയാണ്.യുഎഇയില്‍ കനത്ത മൂടല്‍ മഞ്ഞ് അനുഭവപ്പെടുമെന്ന തരത്തിലുള്ള മുന്നറിയിപ്പ് പുറത്തുവന്നുവെങ്കിലും ഇപ്പോളിതാ പൊടിക്കാറ്റിനുള്ള സാധ്യത മുന്നറിയിപ്പ് നല്‍കിയിരിക്കുകയാണ് കാലാവസ്ഥാ നിരീക്ഷണ കേന്ദ്രം.

അടിക്കടിയുള്ള ഈ കാലാവസ്ഥ മറ്റം പ്രവാസികളിലും ബുദ്ധിമൂട്ടുണ്ടാക്കുന്നു. കടല്‍ പ്രക്ഷുബ്ദമാകാനും തിരമാല ഉയരാനും സാധ്യതയുണ്ടെന്നും മുന്നറിയിപ്പുണ്ട്. അന്തരീക്ഷം മേഘാവൃതമായിരിക്കുമെന്നും താപനിലയില്‍ കുറവ് രേഖപ്പെടുത്തുമെന്നും അധികൃതര്‍ അറിയിച്ചു.

ആന്തരിക മേഖലകളില്‍ മൂടല്‍മഞ്ഞ് രൂപപ്പെടാനും സാധ്യതയുണ്ട്. ഈ മേഖലകളില്‍ ദൃശ്യപരിതി കുറയാനിടയുണ്ടെന്നും വാഹനമോടിക്കുമ്പോള്‍ ഡ്രൈവര്‍മാര്‍ ജാഗ്രത പാലിക്കണമെന്നും വേഗത കുറയ്ക്കണമെന്നും വാഹനങ്ങള്‍ തമ്മില്‍ സുരക്ഷിതമായ അകലം പാലിക്കണമെന്നും നിര്‍ദ്ദേശമുണ്ട്. കാലാവസ്ഥാ നിരീക്ഷണ കേന്ദ്രം നിര്‍ദ്ദേശിച്ചു.

കഴിഞ്ഞ ദിവസം യുഎഇയില്‍ കനത്ത മൂടല്‍ മഞ്ഞ് അനുഭവപ്പെടുമെന്ന തരത്തിലുള്ള മുന്നറിയിപ്പാണ് കാലാവസ്ഥാ നിരീക്ഷണ കേന്ദ്രം പുറത്തുവിട്ടിരുന്നത്. ദുബായ് എക്‌സ്‌പോ റോഡിലും, അല്‍ ഐന്‍ റോഡിലും മൂടല്‍ മഞ്ഞ് അനുഭവപ്പെടുമെന്നും മുന്നറിയിപ്പിൽ പറഞ്ഞിരുന്നു. എക്‌സ്‌പോ അവാനിക്കാൻ ഇനി ദിവസങ്ങൾ മാത്രമാണ് ബാക്കി നിൽക്കുമ്പോൾ സന്ദർശകരുടെ ഒഴുക്ക് കൂടുന്നുണ്ട്.

ഈ ഒരു സാഹചര്യത്തിൽ ഇവിടേക്ക് എത്തുന്ന സന്ദർശകർക്ക് യാത്രവേളയിൽ കനത്ത മൂടല്‍ മഞ്ഞ് ബുദ്ധിമുട്ടുകൾ സൃഷ്ടിക്കും.പല പ്രദേശങ്ങളിലും ദൃശ്യപരിതി 1000 മീറ്ററില്‍ താഴെയായി കുറഞ്ഞിട്ടുണ്ടെന്നും റിപ്പോർട്ടുകളുണ്ട്. അതുപോലെ തന്നെ അബുദാബിയിലെ വിവിധ ഭാഗങ്ങളില്‍ മൂടല്‍ മഞ്ഞ് അനുഭവപ്പെടുന്നുണ്ട്.

ഇതൊന്നും പോരാതെയാണ് യുഎഇയില്‍ താപനില ഉയരാന്‍ സാധ്യതയുണ്ടെന്ന മുന്നറിയിപ്പ് കാലാവസ്ഥാ നിരീക്ഷണ കേന്ദ്രം രണ്ട് ദിവസങ്ങൾക്ക് മുമ്പ് പുറത്തുവിട്ടത്. കഴിഞ്ഞ ദിവസങ്ങളിൽ പകല്‍ അന്തരീക്ഷ താപനില പരമാവധി 40 ഡിഗ്രി സെല്‍ഷ്യസ് വരെ ഉയരുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു.

രാജ്യത്ത് 40.5 ഡിഗ്രി സെല്‍ഷ്യസ് വരെ താപനില കഴിഞ്ഞ ദിവസങ്ങളിൽ രേഖപ്പെടുത്തിയിരുന്നു. അല്‍ ഐനിലെ സ്വൈഹാനില്‍ പ്രാദേശിക സമയം ഉച്ചയ്‍ക്ക് 1.45നാണ് ഏറ്റവും കൂടിയ ചൂട് രേഖപ്പെടുത്തിയത്. കഴിഞ്ഞ ദിവസം അല്‍ ഐനിലെ അല്‍ റക്നയിലായിരുന്നു രാജ്യത്തെ ഏറ്റവും താഴ്‍ന്ന താപനില രേഖപ്പെടുത്തിയത്.

പുലര്‍ച്ചെ 6.30ന് ഇവിടെ 11.6 ഡിഗ്രി സെല്‍ഷ്യസായിരുന്നു ഇവിടുത്തെ അന്തരീക്ഷ താപനില. അടുത്ത ദിവസങ്ങളിലും പകല്‍ സമയങ്ങളില്‍ ശക്തമായ ചൂടും രാത്രി അന്തരീക്ഷ ആര്‍ദ്രത കൂടുതലുമായിരിക്കുമെന്നും മുന്നറിയിപ്പിൽ പറഞ്ഞിരുന്നു.യുഎഇയില്‍ തണുപ്പ് കാലം അവസാനിക്കുന്നതിന്റെ സൂചന നല്‍കി അന്തരീക്ഷ ഊഷ്മാവ് കൂടിവരുന്നതായി കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു.