പ്രവാസികള്ക്ക് ചിലവ് ലാഭിക്കാന് ഡിജിറ്റല് വിസ...!! വിസ പുതുക്കുമ്പോൾ പാസ്പോർട്ടിൽ സ്റ്റിക്കർ പതിക്കുന്ന രീതി അവസാനിച്ചു, 24 മണിക്കൂറും പ്രവാസികൾക്ക് വെബ്സൈറ്റ് വഴി വിസ പുതുക്കാം, വെബ്സൈറ്റിൽ നിന്ന് സി.പി.ആർ നമ്പർ, പാസ്പോർട്ട് നമ്പർ എന്നിവ ഉപയോഗിച്ച് ഡിജിറ്റൽ പെർമിറ്റ് എടുക്കാം, ഡിജിറ്റല് വിസ ലഭിക്കുന്ന രീതി എങ്ങനെയെന്ന് നോക്കാം...
പാസ്പോർട്ടും റസിഡൻസി പെർമിറ്റും ഡിജിറ്റൽവത്കരിക്കുന്ന പദ്ധതി ബഹ്റൈൻ പ്രഖ്യാപിച്ചത് കഴിഞ്ഞ ദിവസമാണ്. ബഹ്റൈനില് ആരംഭിച്ച ഈ സംവിധാനം പ്രവാസികളെ സംബന്ധിച്ചിടത്തോളം ഉപകാരപ്രദമാണ്. വിസ പുതുക്കുമ്പോള് പാസ്പോര്ട്ടില് സ്റ്റാമ്പ് ചെയ്യിക്കുന്നതിനുള്ള പ്രയാസമാണ് ഇതിലൂടെ ഒഴിവാകുന്നത്.
നിലവില് ഏജന്റുമാര് മുഖേനയാണ് മിക്കവരും സ്റ്റിക്കര് പതിച്ചിരുന്നത്. എന്.പി.ആര്.എ സേവന കേന്ദ്രങ്ങളിലും പോസ്റ്റ് ഓഫീസുകളിലുമാണ് ഇതിനുള്ള സൗകര്യമുണ്ടായിരുന്നത്. അഞ്ച് ദിനാര് മുതലാണ് സ്റ്റിക്കര് പതിച്ചുകിട്ടുന്നതിന് ഏജന്റുമാര് ഫീസ് ഈടാക്കിയിരുന്നത്. ഇനിമുതല് ഈ ചെലവ് ലാഭിക്കാന് പ്രവാസികള്ക്ക് കഴിയും.
വിദേശികളുടെ വിസ പുതുക്കുമ്പോൾ പാസ്പോർട്ടിൽ സ്റ്റിക്കർ പതിക്കുന്ന ഇതോടെ രീതി അവസാനിച്ചിരിക്കുകയാണ്. പകരം bahrain.bh എന്ന വെബ്സൈറ്റ് വഴി ലഭിക്കുന്ന ക്യൂ.ആർ കോഡ് പതിച്ച ഡിജിറ്റൽ റസിഡൻസി പെർമിറ്റ് ഉപയോഗിക്കാം.ആഭ്യന്തര മന്ത്രാലയത്തിലെ നാഷനാലിറ്റി, പാസ്പോർട്ട്സ് ആൻഡ് റസിഡൻസ് അഫയേഴ്സ് അണ്ടർ സെക്രട്ടറി ശൈഖ് ഹിഷാം ബിൻ അബ്ദുൽ റഹ്മാൻ ബിൻ മുഹമ്മദ് ആൽ ഖലീഫ വാർത്തസമ്മേളനത്തിലാണ് ഇക്കാര്യം അറിയിച്ചത്.
എൻ.പി.ആർ.എ മുന്നോട്ടുവെച്ച് മന്ത്രിസഭ അംഗീകാരം നൽകിയ 24 പരിഷ്കരണ നടപടികളിൽ ഉൾപ്പെടുന്നതാണ് പുതിയ പ്രഖ്യാപനങ്ങൾ. ഇതുവരെ ഇതിൽ ഒമ്പത് ഇനങ്ങളാണ് പൂർത്തിയാക്കിയത്. സമയവും മനുഷ്യ അധ്വാനവും ലാഭിക്കാൻ സഹായിക്കുന്നതാണ് പാസ്പോർട്ട്, റസിഡൻസി പെർമിറ്റ് എന്നിവയുടെ ഡിജിറ്റൽവത്കരണം.
സ്റ്റിക്കർ പതിക്കുന്നത് ഒഴിവാക്കുന്നതിലൂടെ കടലാസ് രേഖകളുടെ ഉപയോഗം കുറക്കാനും ലക്ഷ്യമിടുന്നു. പ്രവാസികൾക്ക് 24 മണിക്കൂറും വെബ്സൈറ്റ് വഴി വിസ പുതുക്കാൻ സാധിക്കും. തുടർന്ന് വെബ്സൈറ്റിൽ നിന്ന് സി.പി.ആർ നമ്പർ, പാസ്പോർട്ട് നമ്പർ എന്നിവ ഉപയോഗിച്ച് ഡിജിറ്റൽ പെർമിറ്റ് എടുക്കാവുന്നതാണ്. വിദേശത്തുനിന്ന് ബഹ്റൈനിലേക്ക് വരുമ്പോൾ അതത് രാജ്യങ്ങളിലെ വിമാനത്താവളങ്ങളിൽ ഡിജിറ്റൽ റസിഡൻസി പെർമിറ്റ് കാണിച്ചാൽ മതിയാകും.
ക്യൂ.ആർ കോഡ് സ്കാൻ ചെയ്താൽ റസിഡൻസി പെർമിറ്റ് സംബന്ധിച്ച മുഴുവൻ വിവരങ്ങളും ലഭ്യമാകും. സ്മാർട്ട്ഫോണിൽ ഡിജിറ്റൽ പെർമിറ്റ് ഡൗൺലോഡ് ചെയ്ത് സൂക്ഷിക്കാനും സാധിക്കും. ഡിജിറ്റലാകുന്നതോടെ ബഹ്റൈനിൽനിന്നോ ബഹ്റൈന് പുറത്തുനിന്നോ ഓൺലൈനിൽ റസിഡൻസി പെർമിറ്റ് പുതുക്കാൻ കഴിയും.
കഴിഞ്ഞ തിങ്കളാഴ്ച മുതലാണ് ഡിജിറ്റല് റസിഡന്സി സംവിധാനം ബഹ്റൈനില് പ്രാബല്യത്തില് വന്നത്. ഇനിമുതല് വിസ പുതുക്കുമ്ബോള് www.bahrain.bh എന്ന വെബ്സൈറ്റില്നിന്ന് ക്യൂ.ആര് കോഡ് പതിച്ച റസിഡന്സി പെര്മിറ്റ് ലഭിക്കും. ഇതിന്റെ പ്രിന്റ് എടുത്ത് കൈവശം സൂക്ഷിക്കണം. മൊബൈലില് ഡൗണ്ലോഡ് ചെയ്ത് സൂക്ഷിക്കുകയും ചെയ്യാം.
വിദേശങ്ങളില് നിന്ന് വരുമ്പോള് പ്രിന്റൗട്ടോ മൊബൈല് ഫോണിലെ കോപ്പിയോ ആണ് വിമാനത്താവളത്തില് കാണിക്കേണ്ടത്. ഇലക്ട്രോണിക് കീ സര്വിസ് (ഇ-കീ) മുഖേന ഇമിഗ്രേഷന് അധികൃതര്ക്ക് വിസ സംബന്ധിച്ച പൂര്ണവിവരങ്ങള് ലഭ്യമാകും.
വിമാനത്താവളങ്ങളില് ക്യൂ.ആര് കോഡ് പരിശോധിച്ച് വിസസാധുത ഉറപ്പുവരുത്താന് കൂടുതല് സമയം എടുത്തേക്കാമെന്നതിനാല് യാത്രക്കാര് നേരത്തെതന്നെ വിമാനത്താവളത്തില് എത്താന് ശ്രദ്ധിക്കണമെന്ന് സാമൂഹികപ്രവര്ത്തകനായ ഫസലുല് ഹഖ് പറഞ്ഞു. കാലാവധി കഴിഞ്ഞാലും വിസയുടെ ഡിജിറ്റല് കോപ്പി സൂക്ഷിച്ചുവെക്കണമെന്നും അദ്ദേഹം കൂട്ടിച്ചേര്ത്തു. റസിഡന്സി പെര്മിറ്റ് ഡിജിറ്റലാകുന്നതോടെ ബഹ്റൈന് പുറത്തായാലും പുതുക്കാന് സാധിക്കുമെന്ന പ്രത്യേകതയുമുണ്ട്.
ഡിജിറ്റല് വിസ ലഭിക്കുന്ന രീതി
1. www.bahrain.bh എന്ന വെബ്സൈറ്റ് സന്ദര്ശിക്കുക
2. Residency Services എന്ന വിഭാഗം തിരഞ്ഞെടുക്കുക
3. Residency Status Enquiry എന്നതില് ക്ലിക്ക് ചെയ്യുക
4. ഒരു പെര്മിറ്റാണോ മള്ട്ടിപ്പിള് പെര്മിറ്റുകളാണോ എന്ന് ക്ലിക്ക് ചെയ്യുക
4. പാസ്പോര്ട്ട് നമ്ബറും സി.പി.ആര് നമ്ബറും നല്കുക
5. റസിഡന്സ് പെര്മിറ്റ് ഡൗണ്ലോഡ്, ഇ-മെയില് സൗകര്യമുണ്ട്.
https://www.facebook.com/Malayalivartha