പ്രവാസികളുടെ യാത്ര മുടങ്ങുന്നു...! കേന്ദ്ര വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് വെബ് സൈറ്റ് തകരാറിൽ, രജിസ്ട്രേഷൻ നടത്താൻ സാധിക്കാത്തതിനാൽ നിരവധി പ്രവാസികൾ പ്രതിസന്ധിയിൽ...!
പ്രവാസികളെ ആകെ ആശയകുഴപ്പത്തിലാക്കി വെബ് സൈറ്റ് തകരാർ. വിദേശത്ത് തൊഴിൽ വിസയിൽ പോകുന്നവർക്ക് രജിസ്റ്റർ ചെയ്യാനുള്ള കേന്ദ്ര വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് വെബ് സൈറ്റാണ് പ്രവാസികൾക്ക് ഇപ്പോൾ പണികൊടുത്തിരിക്കുന്നത്. മന്ത്രാലയത്തിന്റെ ഇ-മൈഗ്രേറ്റ് വെബ് സൈറ്റ് പ്രവർത്തനക്ഷമല്ലെന്ന് പരാതി ഉയർന്നിരിക്കുകയാണ്. ഇതുമൂലം നിരവധി പ്രവാസികളാണ് ബുദ്ധിമൂട്ട് അനുഭവിക്കുന്നത്.
വെബ്സൈറ്റിലൂടെ രജിസ്ട്രേഷൻ നടത്താൻ കഴിയാത്തത്തിനാൽ നിരവധി പ്രവാസികളുടെ യാത്ര മുടങ്ങുന്നതായി പരാതി ഉയർന്നിരിക്കുകയാണ്. യാത്ര മുടങ്ങുന്ന ഈ അവസ്ഥയിൽ എന്ത് ചെയ്യണമെന്ന് അറിയാതെ ആകെ ആശയകുഴപ്പത്തിലാണ് പ്രവാസികൾ.
എന്നാൽ നിലവിലുള്ള സാങ്കേതിക തകരാർ പരിഹരിക്കാൻ നടപടി പുരോഗമിക്കുന്നുണ്ടെന്ന ആശ്വാസ വാർത്തയും പുറത്തുവരുന്നുണ്ട്. വിദേശകാര്യ മന്ത്രാലയമാണ് ഇക്കാര്യം അറിയിച്ചിരിക്കുന്നത്. വെബ്സൈറ്റ് പുനസ്ഥാപിക്കാൻ കേന്ദ്രസർക്കാർ ഉടനടി നടപടി സ്വീകരിക്കണമെന്ന് എം.പിമാരായ ശശി തരൂരും, അബ്ദുൾ വഹാബും ആവശ്യപ്പെട്ടിട്ടുണ്ട്.
തൊഴില് വിസയില് വിദേശത്ത് പോകുന്നവര്ക്ക് ഓണ്ലൈന് രജിസ്ട്രേഷന് നിര്ബന്ധമാക്കിയത് 2019ലാണ്. ഗള്ഫ് രാജ്യങ്ങള് ഉള്പ്പെടെ 18 രാജ്യങ്ങളിലേക്ക് പോകുന്നവരാണ് കേന്ദ്ര വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് വെബ്സൈറ്റില് രജിസ്റ്റര് ചെയ്യേണ്ടത്. 2019 ജനുവരി ഒന്നു മുതല് ഓണ്ലൈന് രജിസ്ട്രേഷന് നിര്ബന്ധമാക്കിക്കൊണ്ടാണ് വിദേശകാര്യ മന്ത്രാലയം ഉത്തരവിറക്കിയത്.
നോണ്-ഇ.സി.ആര് എമിഗ്രേഷന് ക്ലിയറന്സ് ആവശ്യമില്ലാത്തവര് വിഭാഗത്തില് പെടുന്നവര്ക്കാണ് രജിസ്ട്രേഷന് നിര്ബന്ധമാക്കിയിരിയിരുന്നത്. യാത്ര പുറപ്പെടുന്നതിന് 24 മണിക്കൂര് മുന്പെങ്കിലും വെബ്സൈറ്റ് വഴി വിവരങ്ങള് നല്കണം. പക്ഷേ സന്ദര്ശക വിസ ഉള്പ്പെടെയുള്ള മറ്റ് വിസകളില് പോകുന്നവര്ക്ക് ഈ നിബന്ധന ബാധകമല്ല.
വിദേശത്തുള്ള ഇന്ത്യക്കാരുടെ ക്ഷേമവും അവകാശങ്ങളും ഉറപ്പുവരുത്താന് ലക്ഷ്യമിട്ടാണ് വിദേശകാര്യ മന്ത്രാലയം രജിസ്ട്രേഷന് നിര്ബന്ധമാക്കിയത്. അഫ്ഗാനിസ്ഥാന്, ബഹറൈന്, ഇന്തോനേഷ്യ, ഇറാഖ്, ജോര്ദാന്, കുവൈറ്റ്, ലെബനന്, ലിബിയ, മലേഷ്യ, ഒമാന്, ഖത്തര്, സൗദി അറേബ്യ, സുഡാന്, സൗത്ത് സുഡാന്, സിറിയ, തായ്ലന്റ്, യുഎഇ, യമന് എന്നീ രാജ്യങ്ങളില് തൊഴിലിനായി പോകുന്നവരാണ് ഇ-മൈഗ്രേറ്റ് പോര്ട്ടല് വഴി രജിസ്റ്റര് ചെയ്യേണ്ടത്.
വിദേശത്ത് ജോലി ചെയ്യുന്ന ഇന്ത്യക്കാരുടെ തൊഴില് സുരക്ഷ ലക്ഷ്യമിട്ട് 2015ലാണ് ഇ-മൈഗ്രേറ്റ് പോര്ട്ടല് തുടങ്ങിയത്. നിലവില് എമിഗ്രേഷന് ക്ലിയറന്സ് ആവശ്യമുള്ളവരുടെ (ഇ.സി.ആര് കാറ്റഗറി പാസ്പോര്ട്ടുള്ളവര്) തൊഴില് വിവരങ്ങള് പോര്ട്ടല് വഴി രജിസ്റ്റര് ചെയ്ത ശേഷമേ വിദേശത്ത് പോകാനാവൂ.
വിദ്യാഭ്യാസം കുറഞ്ഞ ഇന്ത്യക്കാര് വിദേശത്ത് ചൂഷണങ്ങള്ക്ക് ഇരയാവുന്നത് തടയാനായിരുന്നു ഇത്. എന്നാല് നോണ് ഇ.സി.ആര് വിഭാഗത്തില് ഉള്പ്പെടുന്നവരും വിദേശത്ത് വിവിധതരം തൊഴില് ചൂഷണങ്ങള്ക്ക് ഇരയാവുന്ന സാഹചര്യത്തിലാണ് എല്ലാവര്ക്കും ഇ-മൈഗ്രേറ്റ് രജിസ്ട്രേഷന് നിര്ബന്ധമാക്കിയത്.
https://www.facebook.com/Malayalivartha
