യു.എ.ഇയുടെ ചരിത്രത്തിലെ ഏറ്റവും ഉയര്ന്ന വില, പെട്രോളിന് 16 ശതമാനത്തിലേറെ വര്ധിച്ചപ്പോള് ഡീസലിന്റെ വില 26 ശതമാനം ഉയര്ന്നു,കണ്ണുതള്ളി പ്രവാസികൾ
2015 മുതലാണ് അന്താരാഷ്ട്ര വിലയ്ക്ക് അനുസൃതമായി ഓരോ മാസവും ഇന്ധനവില പ്രഖ്യാപിക്കുന്ന പതിവ് യു.എ.ഇ ആരംഭിച്ചത്. അതിന് ശേഷം പ്രഖ്യാപിച്ച ഏറ്റവും ഉയര്ന്ന പെട്രോള്-ഡീസല് വിലയാണ് ഇപ്പോൾ രേഖപ്പെടുത്തിയിരിക്കുന്നത്. യു.എ.ഇയുടെ ചരിത്രത്തിലെ ഏറ്റവും ഉയര്ന്ന ഇന്ധനവിലയാണ് വെള്ളിയാഴ്ച നിലവില് വന്നത്. റോക്കറ്റ് വേഗത്തിൽ കുതിച്ചുയരുകയാണ് ഇന്ധനവില.
ഡിസല് വില ചരിത്രത്തില് ആദ്യമായി ലിറ്ററിന് നാല് ദിര്ഹം കടന്നപ്പോൾ പെട്രോളിന് 16 ശതമാനത്തിലേറെ വില വര്ധിച്ചപ്പോള് ഡീസലിന്റെ വില 26 ശതമാനം ഉയര്ന്നു. വലിയ തിരിച്ചടിയാണ് ഈ വില വര്ദ്ധനവ് മൂലം നേരിടേണ്ടിവരിക.റഷ്യ- യുക്രെയ്ന് യുദ്ധത്തിന് പിന്നാലെ അന്താരാഷ്ട്ര വിപണിയില് ക്രൂഡ് ഓയില് നിരക്ക് കുത്തനെ ഉയര്ന്നതാണ് യു.എ.ഇ ആഭ്യന്തര വിപണിയിലും എണ്ണവില കുതിക്കാന് കാരണമായതെന്നാണ് വിലയിരുത്തൽ.
സൂപ്പര് പെട്രോളിന്റെ വില 3.23 ദിര്ഹമില് നിന്ന് 3.74 ദിര്ഹമായി. സ്പെഷ്യല് പെട്രോളിന് 3.12 ദിര്ഹമില് നിന്ന് 3.62 ദിര്ഹമായി. ഡീസലിനും ഇപ്ലസ് പെട്രോളിനുമാണ് ഏറ്റവും വില കൂടിയത്. ഇപ്ലസ് വില 3.05 ദിര്ഹമില്നിന്ന് 3.55 ദിര്ഹമായി. ഡീസല് വില ലിറ്ററിന് 3.19 ദിര്ഹമില്നിന്ന് 4.02 ദിര്ഹമായി ഉയര്ന്നു.
അതേസമയം ഖത്തറും ഏപ്രില് മാസത്തെ ഇന്ധനവില പ്രഖ്യാപിച്ചിരിക്കുകയാണ്. കഴിഞ്ഞ മാസത്തെ അതേ വില തന്നെയാണ് ഈ മാസവും പ്രഖ്യാപിച്ചിരിക്കുന്നത്. വിലവർദ്ധനവ് ഉണ്ടായില്ലെന്നത് മാത്രമാണ് അശ്വാസം. ഖത്തര് എനര്ജിയാണ് ഇന്ധന നിരക്ക് പ്രഖ്യാപിച്ചത്. പെട്രോള് പ്രീമിയം ലിറ്ററിന് 2 റിയാല്, സൂപ്പര് ലിറ്ററീന് 2.10 റിയാല്, ഡീസല് ലിറ്ററിന് വില 2.05 റിയാല് എന്നിങ്ങനെയാണ് നിരക്ക്.
സൂപ്പര് ഗ്രേഡ് പെട്രോള്, ഡീസല് എന്നിവയുടെ വിലയിലും കഴിഞ്ഞ മാസത്തെ അപേക്ഷിച്ച് മാറ്റം വരുത്തിയിട്ടില്ല. യുഎഇയില് 2022 ഏപ്രില് മാസത്തെ പെട്രോള്, ഡീസല് വില പ്രഖ്യാപിച്ചത് ഇന്ധന വില കമ്മിറ്റിയാണ്. ഏപ്രില് ഒന്നു മുതല് സൂപ്പര് 98 പെട്രോളിന് ലിറ്ററിന് 3.74 ദിര്ഹമായിരിക്കും നിരക്ക്. മാര്ച്ച് മാസം സൂപ്പര് 98 പെട്രോളിന് ലിറ്ററിന് 3.23 ദിര്ഹമായിരുന്നു നിരക്ക്.
സ്പെഷ്യല് 95 പെട്രോളിന് ഏപ്രില് 1 മുതല് 3.62 ദിര്ഹമാണ് വില. മാര്ച്ച് മാസം സ്പെഷ്യല് 95 പെട്രോളിന്റെ വില 3.12 ദിര്ഹം ആയിരുന്നു. ഇ-പ്ലസ് 91 പെട്രോളിന് ലിറ്ററിന് 3.55 ദിര്ഹമാണ് ഏപ്രില് മാസത്തെ നിരക്ക്. മാര്ച്ച് മാസത്തില് ഇ പ്ലസ് ലിറ്ററിന് 3.05 ദിര്ഹമായിരുന്നു വില. മാര്ച്ച് മാസത്തില് ലിറ്ററിന് 3.19 ദിര്ഹമായിരുന്ന ഡീസലിന് 2022 ഏപ്രിലില് ലിറ്ററിന് 4.02 ദിര്ഹമായിരിക്കും ഈടാക്കുക.
https://www.facebook.com/Malayalivartha