ഗാര്‍ഹിക തൊഴില്‍ സേവനങ്ങള്‍ക്കുള്ള വ്യാജ ഓഫറുകളിൽ കുടുങ്ങി ചതിക്കപ്പെടുന്ന ഒരുപാട് ആൾക്കാരുണ്ട്. അവർക്കൊക്കെ മുന്നറിയുപ്പുമായി രംഗത്ത് വന്നിരിക്കുകയാണ് ഫെഡറേഷന്‍ ഓഫ് സൗദി ചേംബേഴ്സ്. അടുത്തിടെ മറ്റുള്ളവരെ വഞ്ചിക്കുകയും ചതിക്കുകയും ചെയ്യുന്ന തരത്തിൽ നിരവധി പ്രചരണങ്ങൾ നടന്നിരുന്നു.

വീട്ടുജോലിക്കാര്‍ക്കായി റിക്രൂട്ട്മെന്റ്, വീട്ടുജോലിക്കാരുടെ ട്രാന്‍സ്ഫര്‍ സേവന പ്രക്രിയ പൂര്‍ത്തിയാകുന്നത് വരെ പേയ്മെന്റ് മാറ്റിവയ്ക്കല്‍, ചെറിയ തുകയ്ക്ക് വീട്ടുവേലക്കാരെ ഒഴിവാക്കല്‍ തുടങ്ങി നിരവധി സേവനങ്ങള്‍ വാഗ്ദാനം നല്‍കിയാണ് പൗരന്മാരെ പറ്റിക്കുന്ന ഏർപ്പാട് നടത്തിയത്.

ഇത്തരത്തിലുള്ള ഗാര്‍ഹിക തൊഴില്‍ സേവനങ്ങള്‍ക്കുള്ള വ്യാജ ഓഫറുകള്‍ക്കെതിരെയാണ് ഫെഡറേഷന്‍ ഓഫ് സൗദി ചേംബേഴ്സ് പ്രസ്താവനയിലുടെ മുന്നറിയിപ്പ് നല്‍കിയിരിക്കുന്നത്. ഹ്യൂമന്‍ റിസോഴ്സ് കമ്പനികള്‍ക്കായുള്ള നാഷണല്‍ കമ്മിറ്റിയെ ഫെഡറേഷന്‍ ഓഫ് സൗദി ചേംബേഴ്സാണ് പ്രതിനിധീകരിക്കുന്നത്. വ്യാജ ലിങ്കുകള്‍ വഴിയും ചതി നടക്കാറുണ്ട്.

ട്രാന്‍സ്ഫര്‍ സേവനങ്ങള്‍ പൂര്‍ത്തിയാക്കുന്നതിനും വീട്ടുജോലിക്കാര്‍ക്കുള്ള ചെലവുകള്‍ നല്‍കുന്നതിനുമായി വാട്സ്ആപ്പ് വഴിയും സോഷ്യല്‍ നെറ്റ്വര്‍ക്കിംഗ് സൈറ്റുകള്‍ വഴിയും അയക്കുന്ന വ്യാജ ലിങ്കുകള്‍ അയക്കും. ഇങ്ങനെയാണ് ഇത് വഴി ചൂഷണം നടക്കുന്നത് . ഇത്തരം തട്ടിപ്പുകാര്‍ ബാങ്ക് അക്കൗണ്ടുകളില്‍ നിന്ന് പണം പിന്‍വലിക്കാന്‍ ലിങ്കുകള്‍ ദുരുപയോഗം ചെയ്യുന്ന സാഹചര്യമാണ്. ഏതായാലും എല്ലാവരും കരുതിയിരിക്കുന്നത് നല്ലത് തന്നെയാണ്. അതുകൊണ്ടാണ് ഫെഡറേഷന്‍ ഓഫ് സൗദി ചേംബേഴ്സ് മുന്നറിയിപ്പ് നൽകിയിരിക്കുന്നത്.