പ്രവാസികൾക്ക് ഇനി കാര്യങ്ങൾ എന്തെളുപ്പം...! സൗദി അറേബ്യ ഒരുക്കിയിരിക്കുന്നത് മികച്ച സേവനം, ഇനി ധൈര്യമായി നിങ്ങൾക്ക് അറിയേണ്ടവ പരിശോധിക്കാം....
സൗദി അറേബ്യയിൽ ജോലിചെയ്യുന്ന പ്രവാസികൾക്കിനി കാര്യങ്ങൾ എന്തെളുപ്പം. തൊഴില് വ്യക്തിഗത വിവരങ്ങള് പരിശോധിക്കണമെങ്കിൽ ഇനി നിങ്ങൾ എങ്ങും ഇതിനായി പോകേണ്ടതില്ല. പൊതുമേഖലാ ജീവനക്കാരായ പ്രവാസികൾക്ക് സാമൂഹിക വികസന മന്ത്രാലയമാണ് ഇത്തരത്തിലൊരു അവസരം ലഭ്യമാണെന്ന വിവരം അറിയിച്ചിരിക്കുന്നത്.
ഇനി മുതല് മാനവ വിഭവശേഷി, സാമൂഹിക വികസന മന്ത്രാലയത്തിന്റെ ആപ്പില് വ്യക്തിഗത, തൊഴില് വിവരങ്ങള് പരിശോധിക്കാവുന്നതാണ്. മന്ത്രാലയമോ അതിന്റെ ഏതെങ്കിലും ശാഖകളോ സന്ദര്ശിക്കാതെ തന്നെ എല്ലാവര്ക്കും ആവശ്യമായ സേവനങ്ങള് സാധ്യമാക്കാൻ വണ് ഐ ഓണ് ദ സ്റ്റാര്സ്' എന്ന ആപ്പിലൂടെ ഇനി സാധിക്കും. കമ്മ്യൂണിക്കേഷന്സ് ആന്ഡ് ഇന്ഫര്മേഷന് ടെക്നോളജി മന്ത്രാലയമാണ് ഇങ്ങനെയൊരു ആപ്പ് ആരംഭിച്ചിട്ടുള്ളത്.
'വണ് ഐ ഓണ് ദ സ്റ്റാര്സ്' എന്ന ആപ്പിലൂടെ ഇനി ധൈര്യമായി നിങ്ങൾക്ക് അറിയേണ്ടവ പരിശോധിക്കാം. കമ്മ്യൂണിക്കേഷന്സ് ആന്ഡ് ഇന്ഫര്മേഷന് ടെക്നോളജി മന്ത്രാലയം 2022 ഫെബ്രുവരി 1 മുതല് 3 വരെ റിയാദില് നടന്ന ലിപ് കോണ്ഫറന്സിലാണ് ആപ്ളിക്കേഷന് ആരംഭിച്ചത്.
ഇത് പ്രവാസികൾക്കും വളരെയേറെ സൗകര്യപ്രദമാണ്. കൂടാതെ സമയം ലാഭിക്കാനും വളരെ എളുപ്പത്തിൽ തന്നെ ആവശ്യമായ ഡാറ്റകൾ ഇരിക്കുന്നിടത്ത് നിന്നും തന്നെ പരിശോധിക്കാനും സാധിക്കുന്നു.പൊതുമേഖലാ ജീവനക്കാര്ക്ക് മന്ത്രാലയത്തിന്റെ ആപ്പ് വഴി അവരുടെ വ്യക്തിഗത, തൊഴില് ഡാറ്റ പരിശോധിക്കാനും അവലോകനം ചെയ്യാനും കഴിയുമെന്ന് മാനവ വിഭവശേഷി, സാമൂഹിക വികസന മന്ത്രാലയം അറിയിച്ചു.
പൊതുമേഖലാ ജീവനക്കാര്ക്ക് അവരുടെ തൊഴില് ഡാറ്റ, യോഗ്യതകള്, സേവന വര്ഷങ്ങളുടെ എണ്ണം, ചരിത്രപരമായ രേഖകള്, അസുഖ അവധികള്, അതുപോലെ അവര് സമര്പ്പിച്ച പരാതികളുടെ നില എന്നിവ ആപ്പിലൂടെ നിഷ്പ്രയാസം പരിശോധിക്കാനാകും. ഇത്രയേറെ സേവനങ്ങളാണ് നിങ്ങളുടെ വിരൽ തുമ്പിലൂടെ ലഭിക്കാൻ പോകുന്നത് അതിനാൽ മന്ത്രാലയത്തിന്റെ ഈ സേവനം പ്രവാസികളും പരമാവധി പ്രയോജനപ്പെടുത്താവുന്നതാണ്.
https://www.facebook.com/Malayalivartha
