ജാഗ്രതൈ..! ബാക്ടീരിയ കലര്ന്നിരിക്കാന് സാധ്യത, ഈ ഉത്പന്നത്തിന് നിരോധനം ഏര്പ്പടുത്തി ഗൾഫ് രാഷ്ട്രങ്ങൾ, സാല്മൊണെല്ല ബാധിച്ചാലുണ്ടാകുന്ന ലക്ഷണങ്ങൾ...
കൊവിഡിന്റെ പിടിയിൽ നിന്ന് ഒരുവിധം ഗൾഫ് രാഷ്ട്രങ്ങൾ കരകയറിവരുന്നതേയുള്ളു. ഇനി ഒരു രീതിയിലും ഇത്തരം മഹാമാരികളെ ചെറുക്കുന്നതിൽ വിട്ടുവിഴ്ച്ചയ്ക്കില്ലെന്ന് തന്നെ ഉറപ്പിച്ചിരിക്കുകയാണ്. ഇതിന്റെ ഭാഗമായണ് കിന്ഡര് സര്പ്രൈസ് ചോക്ലേറ്റിന് സൗദി നിരോധനം ഏര്പ്പടുത്തിയത്. യു.എ.ഇ മാര്ക്കറ്റില് നിന്ന് ഈ ചോക്ലേറ്റ് പിൻവാലിക്കാനുള്ള നടപടിയാണ് സ്വീകരിച്ചത്.
കിന്ഡര് ചോക്ലേറ്റ് ഉല്പന്നങ്ങള് വഴി യൂറോപ്പില് സാല്മൊണെല്ല ബാക്ടീരിയ പടരുന്ന സാഹചര്യത്തിലാണ് ഇത്തരത്തിൽ നടപടി. ബെല്ജിയത്തില് നിര്മ്മിക്കുന്ന ഉല്പ്പന്നത്തിന്റെ ചില ബാച്ചുകളില് സാല്മൊണല്ല ബാക്ടീരിയ കലര്ന്നിരിക്കാന് സാധ്യതയുണ്ടെന്ന റിപ്പോര്ട്ടുകളെ തുടര്ന്നാണ് നിര്ദേശം നല്കിയതെന്നും,പ്രാദേശിക വിപണികള് കിന്ഡര് സര്പ്രൈസ് മാക്സിയില് നിന്ന് മുക്തമാണെന്ന് ഉറപ്പാക്കാന് ആവശ്യമായ എല്ലാ നടപടികളും സ്വീകരിച്ചതായും സൗദി ഫുഡ് ആന്റ് ഡ്രഗ് അതോറിറ്റി അറിയിച്ചു
ബെല്ജിയത്തില് നിന്നെത്തിയ കിന്ഡര് സര്പ്രൈസ് യൂവോ മാക്സി ചോക്ലറ്റിന്റെ രണ്ട് ബാച്ചുകളാണ് യു.എ.ഇ വിപണിയില് നിന്ന് ഉടന് പിന്വലിക്കാന് പരിസ്ഥിതി മന്ത്രാലയം നിര്ദേശം നല്കിയത്. ഇവ നശിപ്പിക്കുകയോ കൊണ്ടുവന്ന രാജ്യത്തേക്ക് തിരിച്ചയക്കുകയോ ചെയ്യണമെന്ന് മന്ത്രാലയം മുഴുവന് എമിറേറ്റുകളിലെയും നഗരസഭകള്ക്കും മറ്റ് അനുബന്ധ വകുപ്പുകള്ക്കും നിര്ദേശം നല്കി.
ദുബൈയിലെ മാര്ക്കറ്റില് കിന്ഡര് സര്പ്രൈസ് വിതരണം ചെയ്യുന്നില്ലെന്ന് ഉറപ്പാക്കിയതായി ദുബൈ മുനിസിപ്പാലിറ്റി അറിയിച്ചു. ബെല്ജിയത്തിലെ എട്ട് ഫാക്ടറികളില് നിര്മിക്കുന്ന കിന്ഡര് സര്പ്രൈസ് യുവോ മാക്സി ചോക്ലറ്റിന്റെ രണ്ട് ബാച്ചുകളിലാണ് പ്രശ്നം കണ്ടെത്തിയത്. കിന്ഡര് നിര്മാതാക്കളായ ഫെറേറോയുടെ മറ്റ് ഉല്പന്നങ്ങളിലും നിരീക്ഷണം ശക്തമാക്കാന് മന്ത്രാലയം നിര്ദേശിച്ചു. കമ്ബനിയുടെ ഫാക്ടറികളില് സാല്മൊണെല്ല ബാക്ടീരിയയുടെ സാന്നിധ്യം കണ്ടെത്തിയിരുന്നു. ഇതേത്തുടര്ന്ന് വിവിധ രാജ്യങ്ങളില് ഉല്പന്നം പിന്വലിച്ചിരുന്നു. വാര്ത്ത പുറത്തുവന്നതോടെ കിന്ഡര് സര്പ്രൈസിന്റെ ബാച്ച് പിന്വലിക്കുന്നതായി കമ്പനിയും അറിയിച്ചു.
സാല്മൊണല്ല ബാക്ടീരിയമൂലം വയറുവേദനയ്ക്കും, മലബന്ധത്തിനും പുറമേ, പനി, ഛര്ദ്ദി, വയറിളക്കം, തലവേദന, എന്നിവയുടെ ലക്ഷണങ്ങള്ക്ക് കാരണമാകുമെന്ന് അതോറിറ്റി വിശദീകരിച്ചു.ബ്രിട്ടനില് 67 പേര്ക്ക് സാല്മൊണല്ല ബാധിച്ചതായും ,രോഗം ബാധിച്ചവരില് ഭൂരിഭാഗവും അഞ്ച് വയസ്സിന് താഴെയുള്ളവരാണെന്നും യു. കെ ഹെല്ത്ത് സെക്യൂരിറ്റി ഏജന്സി അറിയിച്ചു
യുകെ, ജര്മ്മനി, ഫ്രാന്സ്, ബെല്ജിയം എന്നിവയുള്പ്പെടെയുള്ള രാജ്യങ്ങളില് കിന്ഡര് ചോക്ലേറ്റുമായി ബന്ധപ്പെട്ട സാല്മൊണല്ല കേസുകള് റിപ്പോര്ട്ട് ചെയ്ട്ടുണ്ട്. ഈ സാഹചര്യത്തില് അര്ലോണിലെ പ്ലാന്റിലെ പ്രവര്ത്തനം താല്ക്കാലികമായി നിര്ത്തിവയ്ക്കുകയാണെന്നും ഫെറേറോയുടെ ഉടമസ്ഥതയിലുള്ള ആര്ലോണിലെ ഫാക്ടറിയില് നിന്ന് നിര്മ്മിച്ച എല്ലാ കിന്ഡര് ഉല്പ്പന്നങ്ങളും തിരിച്ചുവിളിക്കാന് ബെല്ജിയത്തിന്റെ ഭക്ഷ്യസുരക്ഷാ അതോറിറ്റി ഉത്തരവിട്ടിട്ടുണ്ട്.
https://www.facebook.com/Malayalivartha
