യുഎഇയെ മൂടി ശക്തമായ മൂടല്മഞ്ഞ്, ദൃശ്യപരിതി 1000 മീറ്ററില് താഴെയായി കുറഞ്ഞു, ജാഗ്രത പുലര്ത്തണമെന്നാണ് കാലാവസ്ഥ നിരീക്ഷണ കേന്ദ്രം
യുഎഇയിൽ കാലാവസ്ഥ വ്യതിയാനം അതിരൂക്ഷമാകുകയാണ്. ഉയർന്ന താപനിലയിൽ മാറ്റം വന്നിരിക്കുകയാണ്.ഇപ്പോൾ ശക്തമായ മൂടല്മഞ്ഞാണ് അനുഭവപ്പെടുന്നത്. ചിലയിടങ്ങളില് മൂടിക്കെട്ടിയ അന്തരീക്ഷമാണെന്നും റിപ്പോർട്ടുകളുണ്ട്. പല പ്രദേശങ്ങളിലും ദൃശ്യപരിതി 1000 മീറ്ററില് താഴെയായി കുറഞ്ഞിട്ടുണ്ട്. ദൃശ്യപരിതി കുറയാന് സാധ്യതയുള്ളതിനാല് വാഹനമോടിക്കുന്നവര് ജാഗ്രത പുലര്ത്തണമെന്നാണ് കാലാവസ്ഥാ നിരീക്ഷണ കേന്ദ്രം നല്കുന്ന മുന്നറിയിപ്പ്.
ഡ്രൈവര്മാര് വാഹനമോടിക്കുമ്പോള് വേഗത കുറയ്ക്കണമെന്നും വാഹനങ്ങള് തമ്മില് സുരക്ഷിതമായ അകലം പാലിക്കണമെന്നും നിര്ദ്ദേശമുണ്ട്.കാലാവസ്ഥാ നിരീക്ഷണ കേന്ദ്രം പുറത്തുവിടുന്ന മുന്നറിയിപ്പുകൾ ഒരുകാരണ വശാലും നിസാരവത്കരിക്കാൻ പാടില്ല.
യുഎഇയുടെ വിവിധ മേഖലകളില് ശക്തമായ മൂടല്മഞ്ഞാണ് അനുഭവപ്പെടുന്നത്. ഹെവി വാഹനങ്ങള്, ട്രക്കുകള്, ബസുകള് എന്നിവ ട്രാഫിക് നിയമങ്ങളും വേഗപരിധിയും പാലിക്കണമെന്നും പോലീസ് മുന്നറിയിപ്പു നല്കി. മൂടല്മഞ്ഞുള്ള സാഹചര്യത്തില്, ട്രാഫിക് നിയമങ്ങള് ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും അധികൃതര് അറിയിച്ചു.
https://www.facebook.com/Malayalivartha