അധികമായെത്തിയത് 30 ലക്ഷത്തിലേറെ യാത്രക്കാർ, ലോകത്ത് ഏറ്റവും അധികം രാജ്യാന്തര യാത്രക്കാരെ സ്വീകരിച്ചത് ദുബായ് വിമാനത്താവളം..!
ലോകത്ത് ഏറ്റവും അധികം രാജ്യാന്തര യാത്രക്കാരെ സ്വീകരിച്ച് ദുബായ് വിമാനത്താവളം. 12.7 ശതമാനം വര്ധനവാണ്യാത്രക്കാരുടെ എണ്ണത്തിലുണ്ടായിരിക്കുന്നത്.2022 വര്ഷാവസാനത്തോടെ 5.51 കോടി യാത്രക്കാര് എത്തുമെന്നാണ് പ്രതീക്ഷിക്കപ്പെടുന്നത്. ഇസ്തംബുള്, ആംസ്റ്റര്ഡാം വിമാനത്താവളങ്ങളാണ് രാജ്യാന്തര യാത്രക്കാരുടെ എണ്ണത്തില് രണ്ടാം സ്ഥാനത്തും മൂന്നാം സ്ഥാനത്തുമുള്ളത്.
ഫ്രാങ്ക്ഫര്ട്ട്, പാരിസ് എന്നിവ യഥാക്രമം നാലും അഞ്ചും സ്ഥാനങ്ങള് നേടിയിട്ടുണ്ട്.30 ലക്ഷത്തിലേറെ യാത്രക്കാരാണ് ദുബായ് വിമാനത്താവളത്തില് അധികമായെത്തിയത്. കഴിഞ്ഞവര്ഷം, 2.91 കോടി രാജ്യാന്തര യാത്രക്കാര് വിമാനത്താവളത്തിലെത്തി. 2020 ല് ദുബായ് വിമാനത്താവളത്തിലെത്തിയത് 2.59 കോടി യാത്രക്കാരായിരുന്നു.
അതേസമയം ഏറ്റവുമധികം അന്താരാഷ്ട്ര യാത്രക്കാര് ആശ്രയിക്കുന്ന ദുബൈ അന്താരാഷ്ട്ര വിമാനത്താവളത്തിലെ ഒരു റണ്വേ താത്കാലികമായി അടച്ചിടാനൊരുങ്ങുകയാണ്. അറ്റകുറ്റപ്പണികള്ക്കായി മേയ് മാസം മുതല് 45 ദിവസമായിരിക്കും റണ്വേ അടിച്ചിടുകയെന്ന് ദുബൈ അന്താരാഷ്ട്ര വിമാനത്താവള അധികൃതര് അറിയിച്ചു.
സുരക്ഷയും കാര്യക്ഷമതയും ഉറപ്പാക്കാനുള്ള നവീകരണ പ്രവര്ത്തനങ്ങളുടെ ഭാഗമായി വടക്കുഭാഗത്തുള്ള റണ്വേ മേയ് ഒന്പത് മുതല് ജൂണ് 22 വരെ അടിച്ചിടുമെന്നാണ് ഔദ്യോഗിക അറിയിപ്പില് പറയുന്നത്. വേനല് കാലത്തിന് മുന്നോടിയായി വിമാന സര്വീസുകളുടെ എണ്ണം കുറയാന് റണ്വേ അടച്ചിടല് കാരണമാവുമെന്നാണ് സൂചന.
സര്വീസുകള് തടസപ്പെടുന്നതും കാലതാമസവും ഒഴിവാക്കാനായി ചില വിമാന സര്വീസുകള് ദുബൈയിലെ രണ്ടാമത്തെ വിമാനത്താവളമായ ദുബൈ വേള്ഡ് സെന്ട്രല് അല് മക്തൂം ഇന്റര്നാഷണല് എയര്പോര്ട്ടിലേക്ക് മാറ്റും. സര്വീസുകളുടെ എണ്ണം കുറയ്ക്കുന്നതും മാറ്റം വരുത്തുന്നതും സംബന്ധിച്ച പദ്ധതികള് തയ്യാറാക്കാന് എല്ലാ വിമാനക്കമ്പനികളോടും ആവശ്യപ്പെട്ടിട്ടുണ്ടെന്നും അധികൃതര് അറിയിച്ചു.
https://www.facebook.com/Malayalivartha