യു.എ.ഇയിലേക്ക് യാത്ര ചെയ്യാനാണോ പ്ലാൻ, യാത്രക്ക് മുമ്പ് അനുമതി തേടണം, പാസ്പോര്‍ട്ടുകളില്‍ താമസ വിസ പതിപ്പിക്കുന്നത് ഒഴിവാക്കിയതിന്‍റെ ഭാഗമായി പുതിയ നടപടി
യു.എ.ഇയിലേക്ക് യാത്ര ചെയ്യാൻ ആഗ്രഹിക്കുന്ന പ്രവാസികൾക്ക് ഒരു പുതിയ അറിയിപ്പാണ് പങ്കുവയ്ക്കാനുള്ളത്. കാലാവധി കഴിഞ്ഞ പാസ്പോര്‍ട്ടാണ് നിങ്ങളുടെ കൈയ്യിൽ ഇരിക്കുന്നതെങ്കിൽ അതിൽ താമസ വിസ പതിപ്പിച്ചിട്ടുണ്ടെങ്കിൽ ഇക്കാര്യം പ്രത്യേകം ശ്രദ്ധിക്കണം.ഇത്തരം പാസ്പോർട്ടുകളാണ് നിങ്ങളുടെ കൈവശമുള്ളതെങ്കിൽ യു.എ.ഇയിലേക്കുള്ള യാത്രക്ക് മുമ്പ് ജി.ഡി.ആര്‍എഫ്.എയുടെ അനുമതി തേടണമെന്നാണ് അധികൃതര്‍ അറിയിച്ചിട്ടുള്ളത്.
യു.എ.ഇയില്‍ പാസ്പോര്‍ട്ടുകളില്‍ താമസ വിസ പതിപ്പിക്കുന്നത് ഒഴിവാക്കിയതിന്‍റെ ഭാഗമായാണ് നടപടിയെന്ന് കരുതുന്നു. എയര്‍ ഇന്ത്യ എക്സ്പ്രസാണ് ഇക്കാര്യം അറിയിച്ചത്. നിലവില്‍ പാസ്പോര്ട്ട് പുതുക്കിയാലും വിസ പുതിയ പാസ്പോര്‍ട്ടിലേക്ക് മാറ്റാറില്ല. വിസ പഴയ പാസ്പോര്ട്ടില് തന്നെയായിരിക്കും. ഇങ്ങനെയുള്ളവര്‍ യാത്ര ചെയ്യുമ്പോൾ ജി.ഡി.ആര്‍.എഫ്.എയുടെ അനുമതി വേണമെന്നാണ് നിര്‍ദേശിച്ചിരിക്കുന്നത്. പ്രവാസികള്‍ക്ക് താമസ രേഖയായി ഇന്ന് ഏപ്രില്‍ 11 മുതല്‍ എമിറേറ്റ്‌സ് ഐഡി മാത്രം മതിയാകും.
പാസ്പോര്ട്ടില് പതിപ്പിക്കുന്ന താമസവിസ ഇനി ആവശ്യമില്ലെന്ന അറിയിപ്പ് ദിവസങ്ങൾക്ക് മുമ്പ് വന്നിരുന്നു. വിസ സ്റ്റാമ്പിംഗ് സമ്പ്രദായം അവസാനിപ്പിക്കാനുള്ള യുഎഇ ഭരണകൂടത്തിന്റെ തീരുമാനം നിലവില്‍ വന്നതോടെയാണിത്. ഇനി മുതല്‍ വിസക്ക് പകരം ഔദ്യോഗിക തിരിച്ചറിയല്‍ രേഖയായ എമിറേറ്റ്‌സ് ഐഡി മാത്രം മതിയാകും.
പുതിയ തീരുമാനത്തിന്റെ പശ്ചാത്തലത്തില്‍ പുതുതായി വിസയില്‍ എത്തുന്നവരും വിസ പുതുക്കല്‍ ആവശ്യമുള്ളവരും വിസ സ്റ്റാമ്പിംഗിനും എമിറേറ്റ്‌സ് ഐഡിക്കും രണ്ട് അപേക്ഷകള്‍ നല്‍കുകയോ അവയുമായി ബന്ധപ്പെട്ട രണ്ട് തരം നടപടിക്രമങ്ങളിലൂടെ പോവുകയോ ചെയ്യേണ്ടതില്ല.
ഇനി ഒരു അപേക്ഷ മാത്രം മതിയാവും. എമിറേറ്റ്‌സ് ഐഡിക്കുള്ള ആപ്ലിക്കേഷന്‍ മാത്രം നല്‍കിയാല്‍ മതി. മുമ്പത്തെ പോലെ വിസ സ്റ്റാമ്പിംഗിന് പാസ്പോര്ട്ട് എമിഗ്രേഷന്‍ ഓഫീസില്‍ നല്‍കി കാത്തിരിക്കേണ്ട ആവശ്യവുമില്ല. നിലവില്‍ വിസ സ്റ്റാമ്പിംഗ് കഴിഞ്ഞ കൊറിയര്‍ വഴിയാണ് പാസ്പോര്ട്ട് പ്രവാസികളുടെ കൈകളിലെത്തുന്നത്. ഈ കടമ്പ ഒഴിവാക്കാന്‍ പുതിയ തീരുമാനത്തിലൂടെ സാധിക്കും.
പുതിയ മാറ്റങ്ങള്‍ അനുബന്ധമായി യുഎഇ എമിറേറ്റ്‌സ് ഐഡി അടുത്തിടെ വലിയ പരിഷ്‌ക്കരണത്തിന് വിധേയമാക്കിയിരുന്നു. പാസ്പോര്ട്ടില് സ്റ്റാമ്പ് ചെയ്യുന്ന വിസയില്‍ ഉള്‍പ്പെടുന്ന മുഴുവന്‍ വിവരങ്ങളും എമിറേറ്റ്‌സ് ഐഡിയിലും ഉള്‍പ്പെടുത്തി. ഇതുപ്രകാരം പ്രവാസികളുടെ വ്യക്തിപരമായ വിവരങ്ങള്‍, താമസവുമായി ബന്ധപ്പെട്ട വിശദാംശങ്ങള്‍, തൊഴില്‍ സംബന്ധമായ കാര്യങ്ങള്‍, സ്‌പോണ്‍സറുമായി ബന്ധപ്പെട്ട വിവരങ്ങള്‍ തുടങ്ങിയവ ഐഡി കാര്‍ഡിലും ലഭ്യമാണ്. ഇ-ലിങ്ക് സംവിധാനം വഴി എവിടെ വച്ചും വായിച്ചെടുക്കാവുന്ന രീതിയിലാണ് ഈ വിവരങ്ങള്‍ തിരിച്ചറിയല്‍ കാര്‍ഡില്‍ ഉള്‍പ്പെടുത്തിയിരിക്കുന്നത്.
https://www.facebook.com/Malayalivartha
