മറ്റ് രാജ്യങ്ങളെ അപേക്ഷിച്ച് കടുത്ത ശിക്ഷ രീതികളാണ് ഗൾഫ് രാഷ്ട്രങ്ങൾ പിന്തുടരുന്നത്. ഇത് പ്രവാസികളായ നിങ്ങളോട് പ്രത്യേകിച്ച് പറഞ്ഞു തരേണ്ടതില്ലല്ലോ ...നിങ്ങളിൽ അനുഭവമുള്ളവരോ,അല്ലെങ്കിൽ നിങ്ങളുടെ സൂഹൃത്തുക്കളോ ആരെങ്കിലുമൊക്കെ ഇത്തരത്തിൽ ചെന്നുപെട്ടവരായും കാണാം.ഇപ്പോൾ കുവൈത്തില്‍ പിടിയിലായ പ്രവാസിക്ക് വധശിക്ഷ വിധിച്ചിരിക്കുകയാണ്. മയക്കുമരുന്നുമായി പിടിയിലായതിനാണ് ഇത്തരത്തിൽ പ്രവാസിക്ക് വധശിക്ഷ വിധിച്ചിരിക്കുന്നത്.

കുവൈത്ത് ക്രിമിനല്‍ കോടതിയാണ് ശിക്ഷ വിധിച്ചതെന്ന് പ്രാദേശിക ദിനപ്പത്രമായ അല്‍ സിയാസ റിപ്പോര്‍ട്ട് ചെയ്‍തു. ഫര്‍വാനിയില്‍ വെച്ചാണ് മയക്കുമരുന്നുമായി ഇയാള്‍ പിടിയിലായത്.എന്നാൽ ഇയാളിൽ നിന്ന് എത്ര അളവ് മയക്കുമരുന്ന് പിടിച്ചെടുത്തതെന്ന് അധികൃതര്‍ വെളിപ്പെടുത്തിയിട്ടില്ല. തുടർന്നുള്ള ചോദ്യം ചെയ്യലില്‍ പ്രതി കുറ്റം സമ്മതിക്കുകയും ചെയ്‍തു. അന്വേഷണത്തില്‍ ഇയാള്‍ കുറ്റക്കാരനാണെന്ന് കണ്ടെത്തിയതായി കോടതിക്ക് ബോധ്യപ്പെടുകയുണ്ടായി.മയക്കുമരുന്ന് കടത്ത് നടത്തിയത് തെളിയിക്കപ്പെട്ടതോടെയാണ് പ്രവാസിക്ക് കടുത്ത ശിക്ഷയായ വധശിക്ഷ വിധിച്ചിരിക്കുന്നത്.

അതേസമയം, കുവൈറ്റില്‍ മയക്കുമരുന്നുമായി പ്രവാസി അറസ്റ്റില്‍. ഇറാന്‍ സ്വദേശിയെയാണ് പിടികൂടിയത്. സാല്‍മിയ എന്ന യുവാവിൽ നിന്ന് നിന്ന് ഒന്നര കിലോ ഒപിയവും 3000 മയക്കുമരുന്ന് ഗുളികകളും അഞ്ച് ഗ്രാം സൈക്കോട്രോപിക് ലഹരിവസ്തുക്കളും കണ്ടെടുത്തു.എന്നാൽ ഇയാൾ പി‌ടിയിലായതല്ലാതെ തുടർ ശിക്ഷ നടപടികളൊന്നും വിധിച്ചതായുള്ള റിപ്പോർട്ടുകൾ പുറത്തുവന്നില്ല.